三姐海鮮飯店 (裝修中)

好在有朋友識路，唔係真係好難搵到三姐位置，大部份都係一大班既食客。窩貼小棠菜：墨魚餅彈牙鮮味。椒鹽魷魚：魷魚厚身爽口，椒鹽味適中唔過咸。冰梅骨：酸甜味香，減低肥膩既感覺。鼓油雞：雞肉嫩滑，個汁好香。蝦乾魚湯時菜：魚湯清甜，比豬肺湯更好飲。香醋豬脆柳：豬脆柳口感超正，調味有點似冰梅骨。蒸倉魚：倉魚肉滑鮮甜。豬肺湯：麻麻地，同街邊例湯差唔多。黃金蝦：好多蛋王，可惜蝦肉唔新鮮。四季豆炒鱔球：鱔球油膩左d，四季豆爽口但就有層油係面甘。基本上碟碟餸都很有水準，我們都大讚三姐。