三姐海鮮飯店 (裝修中)

三姐海鮮飯店比點比較偏僻 係將軍澳一條村屋入面 算係幾隱蔽 店外有兩隻專名嘅鎮店「神獸」好大嘅飛河龜 好得意 見到人同互動會有回應跟住你轉 去到餐廳食飯不妨都同佢地打聲招呼🤣三姐豉油雞 $480 呢幾年經常都去 最少都一至兩個月都去食一次 所以算係見證住佢啲質素嘅起落 老實講 第一次食真係好驚豔 從未諗過豉油雞可以咁好食 焦糖味嘅香 豉油嘅甜 同傳統港式豉油雞好重玫瑰酒好唔同 完全係另一種好食而且冇點食得出玫瑰酒 可以講係全香港最好食嘅豉油雞 但疫情關係 而家平日黎食 豉油雞都要提前一日預定開爐 醬汁相比以前遜色唔少。陳皮豆豉蝦 $188聽個以為係清蒸 其實係避風塘嘅另一種做法 只不過材料換成陳皮豆豉同蝦 未試過係其他地方食過 算係三姐特色菜之一 蝦火候炸得岩岩 份量都唔少 有7-8隻大蝦 陳皮被炒出香味 豆豉咸香 唔難 但亦唔會覺得好食到飛起整體來講 三姐餐廳最出色其實係豉油雞 其他菜算係附搭 每次都係為食雞而黎 如果真心鐘意食雞 一定一定一定要黎 因為第一次食真係好驚豔 會停唔到口 （連我一個唔食雞皮嘅人 都食曬啲雞皮就知😂😂）但整體價格偏貴 如果唔係食雞而黎會有所失望

鍋貼小棠菜外層鬆脆，裡面是蝦膠和小棠菜，滿滿的蝦膠彈性足夠，味道鮮甜，配上小棠菜粒，令口感更加清爽，若份量多啲便更完美。胡椒蘿蔔豬筋煲，除豬筋外，還有青、紅、白蘿蔔，配上少許芹菜，令享受胡椒辣味之餘尚帶一點清香，達至調和境界。辣味够而不嗆，湯味濃而不辛。豉油雞是新鮮雞，雞的熟度剛好，味道鮮甜而不過濃，最驚喜是在雞肉上舖上些許豉油珍肝，味覺又多一層享受。椰皇燉奶是水準之作，椰味香濃，燉奶白滑，嘴巴甜時心也甜。

食左大概有十年，間唔鐘都會去一次，從前都幾鐘意去三姐食飯，因為真係好食！但係自從三姐開始出名，呢間餐廳就越做越差，價錢越嚟越貴.加價冇問題，但加價之前應該將食物質素提昇，而唔係一邊加價，食物質數不停下降.除非食物質數可以提升返，否則絕對不會再去.其實你從前既味道，絕對收得起你今日既價錢.可惜，比我感覺，三姐好似已經冇咩心做了.～～～～～～～～～～～～～～～～～～～～～～～～～～～～～～

不久前聽過朋友介紹，今晚難得這街坊朋友也推薦這間，所以抱着萬分期待來朝聖｡｡｡。可惜中伏了｡｡。咸｡｡。又是咸｡｡。都是咸｡｡。雜菇扒時蔬，咸得出奇，本是相當健康又沒難度的一味家常菜式另一膳片炒四季豆｡｡。厨司，你也太手重了，又是咸出名的窩貼小棠菜｡｡。知道不是窩貼，也沒有小棠莱，是墨魚胶加上蛋漿去煮，口感一般，也沒有驚喜冷氣又不足，服務又不夠熱誠, 可能因為疫情，想叫椒盐九肚魚沒有，改為椒盬魷魚，也沒有｡｡。徹底失望，連一碗海鮮泡飯也夠嗆咸的呢

我從來都未寫過食評 但今次真係唔想寫都唔得唔希望有第二家人 好似我哋咁慘 浪費咗一個節日食飯嘅好時光！ 1)食物非常難食 清灼八爪魚淡而無味 ps 係落單嬸嬸專登推薦我食嘅 2) 蟹煲 煮得過熟 粉絲淡而無味 3) 羊腩煲索價388蚊 只有大概五六件羊 而且非常唔入味 我夠膽講稻香98炆羊腩煲畀佢好食一百倍 。 4) 脆豬手 係全舊都係肥膏 完全冇肉食 而且非常咸5) 蒜蓉粉絲蒸扇貝168蚊4隻 扇貝雪味十分濃郁而且加勁多蒜蓉遮蓋都食得出係雪貨 粒扇貝我九成肯定係放返落個殼度再落去蒸 佢夠膽收我呢個價錢 我真係佩服 但不得不提豉油雞係做得幾好食嘅！！其實都係因為屋企人聽過佢嘅名氣而慕名而來 今餐真係食得非常不滿 我地一家人向來都唔係 對食物要求好高嘅人 但呢間餐廳服務質素 以及食物都非常垃圾 加上地點十分隔涉 想嚟食嘅朋友真係要三思！ps 餐廳入面有個肥叔叔態度十分惡劣 唔明白點解黎畀錢食飯都要受氣

同屋企人去食三姐之前都食過一次不過印象不深今次叫左幾樣餸豉油雞，墨魚餅，椒鹽鮮魷食物味道就正常啦椒鹽鮮魷最好味鮮魷唔會太大條，剛剛好，滋味！問題係服務態度明顯地差叫侍應介紹下有咩好食嘅竟然係答，我唔知你地咩口味🤷🏻‍♀️後來向侍應查問未到餸菜佢又答，唔係淨係做你地一枱🤷🏻‍♀️老實講，食味唔係好特別侍應服務態度唔好下次真係唔會再黎囉

同男朋友兩個百無聊賴入左tko睇戲，入左個美食沙漠都唔知食咩...Loop左一輪先發現原來三姐有間餐廳係到，即刻飛去試男朋友超鐘意食菠蘿咕嚕肉，其實因為佢我就已經食到厭..但今次有驚喜！咕嚕肉就間間都有，但要做到皮脆肉嫩真係好難，重點係味道岩岩好唔會太酸，值得一試👍！另外再叫左個是豉椒炒蜆同魚香茄子煲，前者新鮮夠鑊氣，後者岩哂我D又要食菜又要濃味既人，最後兩個人捧住個肚飽住走表示滿足總結評價：值得有下次

前幾日難得翻香港🥰，老媽子就提議去「流行都市」烹飪主持三姐開嘅餐廳食飯，咁就去左了，果然無令人失望，我地叫左蜜汁叉燒同花菇炆鵝掌，非常入味，叉燒入口即溶，鵝掌都炆得好正，絕對係可以再食既餐廳！😍😍😍😍

炸嘅食物精彩， 炸漿夠薄、乾爽清脆 沒有油膩感覺！自攜海紅瓜子斑清蒸， 控火失敗！蒸唔熟完全沒有離骨， 補救方案:蝦眼水浸熟！ 嘗問滾湯，湯好飲凍還是湯渣好食！ 一條兩斤六兩嘅海紅瓜子斑完全糟蹋！廣東菜就是吃鑊氣！ 掌火唔好試問其他食材如何控制得好！失望！大不如前………………總結: 只可一試

This was my fifth time to visit this restaurant. Despite I live far away from TKO, I am willing to travel a long way (around an hour) to have a dinner here with my friends. For sure, the environment here is not appealing, but with their hospitality and tasty dishes, it’s worth to come back again and again.I especially like their Deep Fried Abalone which is my all time favorite.

今日又去三姐度食好野！次次去到三姐都熱情招待,佢d笑聲真係好感染到人,不過最正既都係佢煮既野！同老公兩個人幫襯左好多年,好多時都食佢地d招牌菜, 食到開始悶悶地 今日三姐親自下廚 ，佢煮左蟹肉桂花翅 (其實係粉絲)煮得好乾身 已經好小可有小煮 桂花翅煮得咁乾身,今次加埋蟹肉，正啊！去三姐度食既特別之處係佢會自已發版煮d新野比我地食 , 由其我地呢d鍾意飲下酒既人 食d小食送下酒 就已經好滿足今次三姐竟然煮左我最鍾意既雞軟骨 仲要係麻辣！叫我點捨得幫襯第二間！ 今次試埋欖角骨 仲有碟炒菜,兩個人夠晒皮!!食到好飽佢地唔收加一 所以 今餐食左咁多野都係百零蚊落樓 都真係幾抵食！！！

兩年後再到三姐，本來萬分期待， 叫咗碟苦瓜炒牛肉，等咗三個字終於嚟，本來已經覺得細碟，98蚊細細碟，但係最估唔到..... 食到一半，阿媽料料下，諗住夾舊苦瓜.....出現咗史無前例咁壯觀嘅場面... 原隻曱甴上碟，手腳齊全大大隻， 遠遠大過我隻手指公，仲要係腳長有腳毛，我哋一家四口呆曬.....拍照後 ，同個侍應講， 佢哋完全冇回應只係攞咗碟嘢返廚房，佢哋好似好平常咁你唔係咁都仲唔去食呀嘛....omg...

因為細細個住喺將軍澳，所以成日過嚟三姐食晚飯。大個咗搬咗出去住都好少返嚟食飯，今日就同屋企人懷緬下過去！我細細個就最鍾意食豉油雞，佢仲keep到個水準，啲雞好林好滑，又入味，好食到停唔到口，送飯一流👍👍👍呢個係我去三姐其中一個必叫小菜，我都唔知佢攞啲乜嘢嚟整，但淨係覺得好好味。金菇肥牛冇乜特別，早知叫第二個小菜😨魚湯軒菜，個魚湯好甜可以當湯咁飲，呢個菜好大碟，4個人都食吾晒🤗仲有佢果度d茶系鐵觀音，茶味好香，好好飲！

小貓三四隻，店員特別的推介豉油鷄，任何一區嘅燒臘店都好食得多，鷄唔新鮮，汁唔係豉油雞汁，係潮州滷水汁，聖子是死的，臭臭的， 金銀蛋莧菜過火，細鮑魚收五星級價錢$198兩隻，阿媽煮比起上來仲好味好食得多，豬蹄筋名過其實.…成晚最好就係支$38嘅黑啤，如果你有很多時間和金錢浪費可不妨一試，買個體驗去証明畀負評的朋友是正確的

晚上7:30左右到餐廳，正正星期三跑馬日，叫了菜之後跑了2場馬，1場30分鐘，共等了1小時後才來第一個菜。椒鹽豆腐，一般好吃，椒鹽皮做得不好食，好普通。菠蘿咕嚕肉，味道不錯但皮不脆。這2款菜式都是我個人十分喜愛吃的，雖然每間餐廳都必有，但做到好吃真的是教工夫的啫啫雞煲，味道不錯，雞比較小，看圖跑馬日