龍點心 (軒尼詩道)

營業中

休息中

跟朋友去咗呢間舖頭食點心，都有啲意外驚喜。我哋一共叫咗七款野，因為我好鍾意食蝦，所以好多款都係用蝦整，例如龍餃子裏面有蝦餃，仲有鮮蝦腐皮卷同埋蝦多士。我覺得佢用嘅蝦都幾爽口彈牙，整體質素唔錯。朋友大讚個馬拉糕好食，我食咗少少，覺得味道幾得意。擔擔面都唔錯，佢俾我哋自己加啲醬汁落去，咁樣其實幾方便，因為我有陣時食嘢唔鍾意太濃味，咁樣嘅話我可以放少啲醬。最正都係嗰個口水汁龍脷魚腸粉，邊度估到腸粉裏面可以加龍脷魚，仲要同口水汁咁夾，好食到我覺得我可以再食多一碟。整體嚟講我係幾滿意呢間嘢嘅質素，有機會下次會再嚟。