影片
更多
2010-05-09
13 瀏覽
今日同Honey出TST睇戲,睇完戲已經夜晚11點,無咩選擇,行過好多都話12點關門,但我唔想又係d牛南面,即刻ＩＰＨＯＮＥ上網搵野食啦！呢間野開到３點，fit晒！之不過d食評好壞一半,但Honey話d差食評都係d非會員同得一篇食評既人唔使理,所以包拗頸要去一試。間野都幾難搵,原來係北京填鴨泰豐樓下面,個日星期5晚11點幾都重有幾台客既。一坐低,侍應就放兩杯水,都唔係Ｄ人咁講唔俾水即！ 餐牌密密碼碼好多選擇,菜,肉類同海鮮加埋有成100種,不過無相,我真係接受唔到羅,睇死人咩！！同埋有相吸引d嘛!真係無心機睇晒d字,另外酒亦都好多,青島生啤,Hongarden,日本清酒,燒酎,紅白酒都有,不過Honey揸車唔飲得，佢幾唔開心呀，不過呢度竟然有我係ＳＯＧＯ見過既冇酒精啤酒賣！！ＨＯＮＥＹ即刻開心晒！！ 個男侍應話供應有限所以menu冇架！好彩我論野夠大聲俾Ｄ侍應聽到....佢中問我地係咪第一次黎,介紹左一d食物俾我地,咁佢話事啦!介紹得都應該唔會差掛?驚喜２!!呢度竟然有wifi上網!而且好快。驚喜３!!係d男侍應都幾ＯＫ喎,而且有一個面黑黑,瘦瘦的幾靚仔,未見過成間餐廳d男仔都係咁ＯＫ
間野都幾難搵,原來係北京填鴨泰豐樓下面,個日星期5晚11點幾都重有幾台客既。一坐低,侍應就放兩杯水,都唔係Ｄ人咁講唔俾水即！ 餐牌密密碼碼好多選擇,菜,肉類同海鮮加埋有成100種,不過無相,我真係接受唔到羅,睇死人咩！！同埋有相吸引d嘛!真係無心機睇晒d字,另外酒亦都好多,青島生啤,Hongarden,日本清酒,燒酎,紅白酒都有,不過Honey揸車唔飲得，佢幾唔開心呀，不過呢度竟然有我係ＳＯＧＯ見過既冇酒精啤酒賣！！ＨＯＮＥＹ即刻開心晒！！ 個男侍應話供應有限所以menu冇架！好彩我論野夠大聲俾Ｄ侍應聽到....佢中問我地係咪第一次黎,介紹左一d食物俾我地,咁佢話事啦!介紹得都應該唔會差掛?
驚喜２!!呢度竟然有wifi上網!而且好快。
驚喜３!!係d男侍應都幾ＯＫ喎,而且有一個面黑黑,瘦瘦的幾靚仔,未見過成間餐廳d男仔都係咁ＯＫ的,不過Honey話唔靚羅!(笑)
講番Ｄ野食先
八爪魚棒(侍應推介)
男侍應推介的,外表似煎羅白糕,原來裡面有八爪魚粒,幾彈牙!唔錯?
涼伴介蘭(侍應推介)
嘩!好粗囉,之前係酒樓食過都唔會咁粗,口感好爽,一份有10條,其實兩個人食完都飽飽地
燒雞泡魚乾(侍應推介)
普通囉!同平時日本餐廳食既味差不多,唔係太特別,不過價錢都比日本餐廳平少少
燒蠔(侍應推介)
侍應見我地得兩個人,話唔使一次過食半打,叫4隻都夠食,可以試其他野,夠細心,不過Honey話鍾意食,之後一見就知都幾大件事,因為d蠔比想像中大隻,我食了兩隻都夠了,Honey就話呢個最好味,一口氣食晒4隻,誇張!
燒牛舌(侍應推介)
1串3塊,切得好厚身,同去日本餐廳差不多,口味是鹽燒的,口感同味道都十分好,我最鍾意呢個
燒豬頸肉(侍應推介)
燒得好乾身,好爽,都保持到個肉味,一人一串好快食晒,下次可以試下用佢地既特色孜然燒,
燒雞軟骨
我至愛,食緊日本野都會叫，都好得呀～～感覺好爽口,乾度岩岩好,鹽燒竟然好過尖東地庫成日去個間日本野！
燒菜心
食咁多肉,都係時候食少少菜平衡一下,呢個用左孜然燒,味覺又同之前d唔同，重好juicy唔會乾曾曾,加埋孜然好有風味
燒粟米
落單時侍應主動問我地想用孜然定蜜糖燒,我地就揀左蜜糖,條粟米超甜,熱辣辣好好食,雖然開始飽,但我地食晒成條
點知開始飽囉!但Honey之前眼闊肚窄叫左好多野,咁我地問一個四眼侍應重有幾多未黎,佢話重有4樣,我地話好飽，四眼侍應就話睇下邊d未做就幫我地取消,最後都取消了2樣,我覺得佢地幾好人,唔會黑面逼我地要晒Ｄ野！!不過人地第一次黎食，如果佢地見我地叫得太多, 主動提醒下, 咁係perfect啦！！
燒通菜
可能已經飽了!所以無咩特別感覺,但Honey話好味過菜心
燒玉子！
即係燒蛋,日本的做法,有少少甜甜地,其實幾開胃,不過真係食唔落喇!
成餐飯感覺都好好!燈光好柔和,坐位都唔太迫,因為間餐廳唔滿,所以侍應一開始就叫我地坐4人table,係d音樂(播英文流行歌)同間餐廳格格不入咁,男侍應有禮面帶微笑,女侍應就比較無表情,隔離台有一班客同那個又黑又瘦的靚仔一齊飲,氣氛好好!似去日本旅行時的居酒屋,呢度至少唔會好似尖東地庫那間,因為叫得少或者唔飲酒就黑我地面羅,呢間店氣氛會好一Ｄ,埋單時四眼侍應重走黎問我地d食物得唔得,我同Honey話唔錯,不過投訴餐牌無相羅,佢就話5月中會有個新餐牌,加左10幾樣野食,重有燒飯團同烏冬,而且有相睇,哈哈!俾我講中,餐牌無相唔吸引架!
最後埋單400有找,我同Honey都好滿意,話下次帶朋友book房玩多次,四眼侍應話book房唔使最低消費,我決定下星期約番做空姐既舊同事再食過!但Honey話又要一齊黎羅(笑)
張貼
