影片
更多
2018-12-23
986 瀏覽
前同事突然想食飯，咁啱又無咩嘢做應約，佢晌灣仔收工，就佢去灣仔，不過灣仔搵食真係唔多熟手，諗住晌灣仔修頓後面條街到行就一定搵到，其實係真係搵到，之不過大家一路行掛住傾計而忽略晒重點，最終行到晌附近見到私房菜之名，再望望門口餐牌又唔係好貴，就決定入去一試！餐廳望落唔係豪華裝修，但整體感覺係乾淨，待應安排咗我地晌樓上，上去到差唔多８成嘅枱已經滿，對佢信心加強，亦見到佢地有啲套餐，有兩個小菜再加湯，啱晒我地兩個人，最終我地叫咗重慶烤魚同椒鹽鮮魷。先嚟送上兩碗老火湯，算係足料，味道唔錯；其後上碟嘅係椒鹽鮮魷，初睇幾大份，魷魚食落有鮮味，同埋個皮唔係好多粉、夠薄，食落口口感唔錯，令人係咁夾嚟食。重點當然係個重慶烤魚，有爐一齊上碟等你可以熱住食，湯底味道算係較辣一點，配上菜、菜頭、芽菜同莞西，幾樣配料我同朋友都OK，至於條魚一開始見中間界開位置已變紅色，怕又辣及OVERCOOK，但食落條魚有幾滑口，熟度OK，加上夠熱入口味道更好，最終我同朋友都叫了白飯送飯，感覺呢個配搭食法幾好！最終吃飽準備走之際，待應特登提我地仲有糖水，估唔到有蕃薯湯水，蕃薯夠淋亦甜心，令到我地兩個捧住個肚走，亦覺得好好彩咁都入
餐廳望落唔係豪華裝修，但整體感覺係乾淨，待應安排咗我地晌樓上，上去到差唔多８成嘅枱已經滿，對佢信心加強，亦見到佢地有啲套餐，有兩個小菜再加湯，啱晒我地兩個人，最終我地叫咗重慶烤魚同椒鹽鮮魷。
先嚟送上兩碗老火湯，算係足料，味道唔錯；其後上碟嘅係椒鹽鮮魷，初睇幾大份，魷魚食落有鮮味，同埋個皮唔係好多粉、夠薄，食落口口感唔錯，令人係咁夾嚟食。
重點當然係個重慶烤魚，有爐一齊上碟等你可以熱住食，湯底味道算係較辣一點，配上菜、菜頭、芽菜同莞西，幾樣配料我同朋友都OK，至於條魚一開始見中間界開位置已變紅色，怕又辣及OVERCOOK，但食落條魚有幾滑口，熟度OK，加上夠熱入口味道更好，最終我同朋友都叫了白飯送飯，感覺呢個配搭食法幾好！
最終吃飽準備走之際，待應特登提我地仲有糖水，估唔到有蕃薯湯水，蕃薯夠淋亦甜心，令到我地兩個捧住個肚走，亦覺得好好彩咁都入到間好食嘅餐廳。
張貼
