法國飯店

營業中

休息中

本身同朋友已經傾好左假期入黃金海岸哂下太陽，但入面都冇乜餐廳，好彩我地做足功課，見呢間法國飯店嗰食評都幾好評價，就揀左係呢到食嘢，同大家分享下先。⭐️古法燒西班牙豬腩仔配蜜糖香桃汁$248西班牙豬腩仔入口軟腍無比，而且經過古法燒製過程令到豬腩仔嘅油脂香味更加突出，配搭酸酸甜甜嘅蜜糖香桃汁，開胃又解膩，真係好出色嘅一道菜式😍⭐️煙三文魚他他伴牛油果紅莓汁$168夏日熱辣辣食返個煙三文魚他他就最岩啦，三文魚新鮮唔腥，魚油香好重，配上酸酸地嘅紅莓汁，胃口即刻好好🤤⭐️傳統法式油封燒鴨腿配酸梅汁 $258油封燒鴨腿都幾大隻下，肉質嫩滑，鴨皮十分香脆，咸度適中，仲好多肉添，點埋佢個酸梅汁，酸微微咁好特別。