麵麵店 (已結業)

佳佳以外車仔麵之選有麵麵店。呢度兼賣飯餐，嫌豬雞牛太普通，叫個咖喱魷魚飯應係夠晒閃耀。閒日供應的四餸餐連凍豆漿，可以揀餐單上唔同價錢的所有餸。四個餸揀晒貴價貨當然冇問題，但留意返，份量唔多架，每款大約兩件，咖喱魷魚為例，少過街邊小食店的一串裝。平價餸份量就多啲，滷水豆腐、牛膀同雞腎夠入味，酸齋都係佳佳勝出。每次嚟食雞腎的份量都唔同，雞腎原隻上，唔係切片裝，好特別。每張枱都有樽辣菜脯，好啱放湯食。最重要係試吓味先好落，佢都幾辣架。呢度食物味精度冇佳佳咁勁，工業風裝修似去咗 café。雖然喺坐硬圓櫈，但都坐得舒服，冷氣開大啲會更加好。