影片
更多
2021-09-30
2993 瀏覽
生日當然要揾好野食。正如師傅問我係咪朋友介紹，但其實我響OpenRice 揾佢既。中午時份，只得八人座位，凈做omakase. 問要幾貫既時候，生日喎！當然食最多啦（最後飽到攬住個肚走人）一上沙律同埋蒸蛋（白果，日本魚蛋）嘅時候，第一時間覺得咦咁普通嘅🤔之後就開始食刺身類喇！先黎北海道生蠔（冇海水味，有柚子味，爽口同好creamy)。再黎就係白子（好滑，但始終我對呢類內臟麻麻地，所以都幾夾硬吞落肚）😔或者應該一開始問左客人有咩唔食先得。然後係帶子，感覺都係🥺點解得一半𠺢。味道非常清甜，無左平時咬落去黏牙既感覺。再黎白蝦，上面應該係內臟類，因為老公既無（佢完全唔食內臟既），我將佢哋分開嚟食，白蝦非常鮮甜再上白子，呢個白子師傅用火槍燒過，無之前既白子咁滑，但依舊creamy。食壽司前師傅俾左蘿白同薑清味蕾。本人覺得蘿蔔偏譚冇乜味道，但個薑非常出色甜同酸嘅比例啱啱好🥳壽司上場，今次學人哋用手食，原來感覺真係非常之好㗎喎摸上手嘅時候感覺到啲飯係就嚟跌嘅感覺，但係佢又唔會跌，而且壽司已經加晒Wasabi同埋豉油，基本上只要用手拎住放入口就可以啦。先黎金鯛，平時見到魚皮都驚驚地。但呢個完全唔腥。然
中午時份，只得八人座位，凈做omakase.
問要幾貫既時候，生日喎！當然食最多啦（最後飽到攬住個肚走人）
一上沙律同埋蒸蛋（白果，日本魚蛋）嘅時候，第一時間覺得咦咁普通嘅🤔
之後就開始食刺身類喇！
先黎北海道生蠔（冇海水味，有柚子味，爽口同好creamy)。
再黎就係白子（好滑，但始終我對呢類內臟麻麻地，所以都幾夾硬吞落肚）😔或者應該一開始問左客人有咩唔食先得。
然後係帶子，感覺都係🥺點解得一半𠺢。味道非常清甜，無左平時咬落去黏牙既感覺。
再黎白蝦，上面應該係內臟類，因為老公既無（佢完全唔食內臟既），我將佢哋分開嚟食，白蝦非常鮮甜
再上白子，呢個白子師傅用火槍燒過，無之前既白子咁滑，但依舊creamy。
食壽司前師傅俾左蘿白同薑清味蕾。本人覺得蘿蔔偏譚冇乜味道，但個薑非常出色甜同酸嘅比例啱啱好🥳
壽司上場，今次學人哋用手食，原來感覺真係非常之好㗎喎摸上手嘅時候感覺到啲飯係就嚟跌嘅感覺，但係佢又唔會跌，而且壽司已經加晒Wasabi同埋豉油，基本上只要用手拎住放入口就可以啦。
先黎金鯛，平時見到魚皮都驚驚地。但呢個完全唔腥。
然後係深海池魚，師傅話熟成左一星期，牛肉就聽過有熟成，原來魚都會㗎啵。唔係師傅講都唔知。魚味濃郁
然後係煙燻嘅鰆魚。都好重煙熏味㗎！
再黎右口魚鮫鰈，無乜大感覺。
拖羅時間到，師傅話呢塊拖羅係介乎大拖羅同中拖羅之間。雖然咁講，但果下都係入口即溶
加埋鰤魚、長尾鯛（紅色十幾斤既魚）好味到我連相都唔記得影。
最後係北寄貝，唔算太爽甜！
牡丹蝦，小小黏牙。
同埋我至愛既海膽。係放上手食㗎
最後魚油手卷結尾！
聽到隔離客人同店員，師傅的對話！聽得出店員對清酒既種類很有心得！如果你都好一杯的話，絕對可以交流交流。
而且食完師傅亦有興趣同客人交談。感覺很好👍🏼
張貼
