Best Berry (已結業)

由可愛食友信中得知呢間乳酪店位置,原來就係太平洋咖啡舊址,趁打書釘後走黎視察一番。店舖以粉紅/白色為主調,同以前太平洋咖啡色調係兩回事,感覺都截然不同,呢間感覺清簡好多。餅櫃內仍有唔少蛋糕選擇,但最吸引我視線係呢件best berry cake。用得店名為名應該係主打角色,一於試試!蛋糕望落好似cheese cake,原來唔係,而且味道同我想像係兩回事。海棉蛋糕真係幾鬆軟,而且唔太甜;乳酪好滑有點微酸,味道似有還無,兩者加起的確幾特別,可以一試。男店員態度有禮,服務唔錯;有機會試下堂食雪糕先。