Lockeroom Zoom Football Restaurant (山頂廣場) (已結業)

和老公上山頂行大運，係山頂廣場2樓見到一間售買香港特色的精品店，入去行到盡頭，原來有間足球主題餐廳。睇餐牌唔算好貴，於是坐下食個午餐。餐廳充滿足球情懷，無論你是不是足球愛好者都有不少打卡位。食物來到時見是用紙碟，心中有少許懷疑，但食落原來水準甚佳。它還是寵物友善餐廳，可惜我只得一隻貓貓，如果有狗的話一定會帶牠來行山和食飯。澳洲藍蟹肉龍蝦包（$188）龍蝦包一咬下來，咔嚓一聲，連坐對面的老公也聽到並嘩一聲，咁脆嘅？係，真係好香脆，夾着龍蝦肉和沙律醬，清新、輕盈，好好食。配菜的薯角也新鮮好吃。法國鵝肝秀珍菌意大利燴飯（$178）意大利燴飯有兩片鵝肝，入口即溶又甘香，燴飯濃郁creamy，香氣逼人，又係好好食。意猶未盡，再叫了兩件蛋糕。雖然都是紙碟，但廚師仍落力做好擺盤，而且味道不錯，不是粗製商品。特濃瑞士朱古力蛋糕 （$78）底層是鬆軟朱古力海綿蛋糕，上層是厚實特濃朱古力，濃郁順滑又不會太甜。王林蘋果金寶芝士蛋糕（$88）餅乾做底，中間是真的有蘋果肉的鬆軟芝士餡，面層是金寶脆粒，口感和層次非常豐富，甜中帶點酸，超級好味。