影片
更多
2022-04-08
553 瀏覽
去完賽馬會創意藝術中心，諗住係附近搵野食，行左1圈見到呢間車仔麵幾有特色就入去試下。睇一睇個餐牌發覺好多選擇水，唔知點揀。見到有個六寶餐可以食多幾個餸仲有野飲先$48，諗都唔駛諗即叫！呢間鋪雖然唔大亦唔係咩大品牌，但竟然有得QR code落單，非常先進。咁係落單既時候見到有得乾撈咁又係二話不說揀左。乾撈可以落豬油，麻油等等，我就梗係揀最懷舊既豬油啦，唔係度度有。餸我揀左蘿蔔，豬紅，陳皮魚蛋，牛坑腩，金錢肚，同甜酸齋。蘿蔔入口即溶夠入味，豬紅爽口唔會鞋，魚蛋陳皮味好出岩我口味，牛坑腩同金錢肚都高質味道幾好，有口感唔會得個淋字，酸甜齋一入口就覺得偏酸，但食多2啖又幾開胃幾正🤣 最後到個豬油乾撈生粗面，好好食，豬油好香，麵好爽口，有d豉油汁咁樣。食完一啖就停唔到係咁食！呢個一定會再encore。總結：好高質既一間車仔麵店，性價比亦都好高，見佢有好多特別餸，下次一定會試埋P.S. 雖然唔係茶餐廳，但杯奶茶都幾唔錯
睇一睇個餐牌發覺好多選擇水，唔知點揀。見到有個六寶餐可以食多幾個餸仲有野飲先$48，諗都唔駛諗即叫！呢間鋪雖然唔大亦唔係咩大品牌，但竟然有得QR code落單，非常先進。咁係落單既時候見到有得乾撈咁又係二話不說揀左。乾撈可以落豬油，麻油等等，我就梗係揀最懷舊既豬油啦，唔係度度有。
餸我揀左蘿蔔，豬紅，陳皮魚蛋，牛坑腩，金錢肚，同甜酸齋。蘿蔔入口即溶夠入味，豬紅爽口唔會鞋，魚蛋陳皮味好出岩我口味，牛坑腩同金錢肚都高質味道幾好，有口感唔會得個淋字，酸甜齋一入口就覺得偏酸，但食多2啖又幾開胃幾正🤣 最後到個豬油乾撈生粗面，好好食，豬油好香，麵好爽口，有d豉油汁咁樣。食完一啖就停唔到係咁食！呢個一定會再encore。
總結：好高質既一間車仔麵店，性價比亦都好高，見佢有好多特別餸，下次一定會試埋
P.S. 雖然唔係茶餐廳，但杯奶茶都幾唔錯
六寶麵乾撈
77 瀏覽
2 讚好
0 留言
張貼
