影片
更多
2021-09-02
667 瀏覽
荃灣多美食就係人都知，但係有高質馬來西亞美食就未必人人都知，呢間蝦麵店相當出色，一入到去已經好有東南亞風味。咖哩叻沙湯 蝦肉肉片麵 檬粉［細］$73叻沙湯底勁香濃，又辣又有咖哩同花生味，就咁飲湯都已經好滿足，蝦肉俾得好多，夠彈牙，檬粉索哂個湯真係幾正，每啖都好邪惡，而且細都好夠食，女士可以多個選擇。馬來咖哩飯配雞肉 $60馬來咖哩同日本咖哩好唔同，有好香嘅香料味，一入口就食到香料，之後再係辣味同椰汁味，味道好有層次，雞肉嫩滑，不過最正都係啲薯傑，炆到勁粉又吸哂咖哩汁，可以淨係食薯仔飽。馬拉雞拼盤 $75拼盤有四隻雞翼同四串雞串，雞翼都係好香香料味，空口食唔會淡，仲係新鮮炸出嚟，熱辣辣，雞串上面嘅沙嗲醬簡直係畫龍點睛，沙嗲醬已經夠惹味仲有粒粒花生係入面，口感相當豐富，雞肉嫩滑唔柴，加埋個醬俾100分！五香脆炸豆腐豆卜 $28豆腐豆卜好香脆，點埋個醬唔會濟。榴連咖央多士（半份）$19啖啖嘅榴連再加咖央醬，好香甜好好食，可以叫半份，小小地，呢個結尾簡直係完美！
呢間蝦麵店相當出色，一入到去已經好有東南亞風味。咖哩叻沙湯 蝦肉肉片麵 檬粉［細］$73
叻沙湯底勁香濃，又辣又有咖哩同花生味，就咁飲湯都已經好滿足，蝦肉俾得好多，夠彈牙，檬粉索哂個湯真係幾正，每啖都好邪惡，而且細都好夠食，女士可以多個選擇。
馬來咖哩飯配雞肉 $60
馬來咖哩同日本咖哩好唔同，有好香嘅香料味，一入口就食到香料，之後再係辣味同椰汁味，味道好有層次，雞肉嫩滑，不過最正都係啲薯傑，
炆到勁粉又吸哂咖哩汁，可以淨係食薯仔飽。馬拉雞拼盤 $75
拼盤有四隻雞翼同四串雞串，雞翼都係好香香料味，空口食唔會淡，仲係新鮮炸出嚟，熱辣辣，雞串上面嘅沙嗲醬簡直係畫龍點睛，沙嗲醬已經夠惹味仲有粒粒花生係入面，口感相當豐富，雞肉嫩滑唔柴，加埋個醬俾100分！
五香脆炸豆腐豆卜 $28
豆腐豆卜好香脆，點埋個醬唔會濟。
榴連咖央多士（半份）$19
啖啖嘅榴連再加咖央醬，好香甜好好食，可以叫半份，小小地，呢個結尾簡直係完美！
張貼
