影片
更多
2021-11-20
587 瀏覽
響中環住咗25年，一直都冇啲可以比我可以日日食嘅野…適逢離開咗咁多年之前，今日要送小甯返學🎒，晨咁早周圍搵早餐食。行行吓見到十八座新開，梗係要試下呢間得唔得由於9:00am 就行到過黎，我哋可能係今日第一pair客，「安心」完後，就入去坐低咗。員工好親切，招呼同禮貌好。唔知係咪新開張，有個疑似老闆嘅人響度睇場同做野。落單係用QR code, 好方便。我哋先order咗狗仔粉、火鴨翅同埋細雜燴（原味豬大膠、五香豬肚、清湯豬皮、鮮甜蘿蔔）。狗仔粉味道唔錯 梁生就嫌佢啲粉仔太長（不過我都覺得長咗啲，用匙羹好難成條𢳂得起…）到最後梁生要將啲粉仔篤短佢但味道係好嘅！而且菜脯好香好有咬口，冬菇味亦香濃，食一碗已好飽。幾好食，正常。比我食過嘅其他十八座較糊狀，味道就冇咩變，火鴨絲同木耳絲好足料，唔錯！細雜燴。由於冇試過唔知好唔好食，叫咗個細嘅。個千味醬好食，又香又惹味。我哋走咗豬大腸，我都諗緊佢哋會唔會放好多蘿蔔落去霸位，最後有4舊，啲質素都唔錯幾入味，係有一舊未索夠啲汁。整體成個都好食😋跟手order咗支五花茶，比想像中淡口。可能我響中環飲慣地道嘅涼茶舖，梁生又飲慣元朗啲足料涼茶，呢個五花茶，比較
行行吓見到十八座新開，梗係要試下呢間得唔得
由於9:00am 就行到過黎，我哋可能係今日第一pair客，「安心」完後，就入去坐低咗。
員工好親切，招呼同禮貌好。唔知係咪新開張，有個疑似老闆嘅人響度睇場同做野。
落單係用QR code, 好方便。
我哋先order咗狗仔粉、火鴨翅同埋細雜燴（原味豬大膠、五香豬肚、清湯豬皮、鮮甜蘿蔔）。
馳名狗仔粉
$33
94 瀏覽
0 讚好
0 留言
狗仔粉味道唔錯 梁生就嫌佢啲粉仔太長（不過我都覺得長咗啲，用匙羹好難成條𢳂得起…）到最後梁生要將啲粉仔篤短佢但味道係好嘅！而且菜脯好香好有咬口，冬菇味亦香濃，食一碗已好飽。
招牌火鴨翅
$33
68 瀏覽
1 讚好
0 留言
幾好食，正常。比我食過嘅其他十八座較糊狀，味道就冇咩變，火鴨絲同木耳絲好足料，唔錯！
細雜燴
$31
70 瀏覽
0 讚好
0 留言
細雜燴。由於冇試過唔知好唔好食，叫咗個細嘅。個千味醬好食，又香又惹味。我哋走咗豬大腸，我都諗緊佢哋會唔會放好多蘿蔔落去霸位，最後有4舊，啲質素都唔錯幾入味，係有一舊未索夠啲汁。整體成個都好食😋
清熱五花茶
$16
51 瀏覽
0 讚好
0 留言
跟手order咗支五花茶，比想像中淡口。可能我響中環飲慣地道嘅涼茶舖，梁生又飲慣元朗啲足料涼茶，呢個五花茶，比較稀。
最後食咗個我唔識欣賞但梁生高度評價嘅紅豆沙…
霹靂紅豆沙
$22
71 瀏覽
0 讚好
0 留言
紅豆沙特別之處係佢加咗啲米落去，有別於一般嘅紅豆沙，可以令佢更滑口。佢幾有咬口，而且有果皮香，加咗花奶先雪係好食嘅…另一個角度睇，太多米囉….好似有啲偷工減………不過咁，各花入各眼，可能有人覺得咁先正。
張貼
