Moreish & Malt (蕪湖街) (已結業)

住咗係附近咁耐，最近search餐廳優惠先知道原來逸‧酒店1樓有一間人人都去得既美式餐廳。由於我哋book得早，所以仲未有客人，不過一入到就feel好chill，播住好有中美感覺既歌，店員亦好熱情咁介紹餐牌、推介菜式。“爆棚” 手撕燴豬肉香辣芝士三文治 ($138)雖然名叫三文治 ，但分量一啲都唔少，配埋炸薯條都非常夠飽。多士中間夾住微辣豬肉、墨西哥辣椒同莫札瑞拉芝士，辣椒中和咗多士同芝士既油膩，食落好惹味好有風味，令我聯想起墨西哥菜 😋大蝦碎蝦乾白酒汁扁麵 ($128)蒜味同牛油味都幾重，亦都係因為咁而略嫌有啲油膩。不過因為有大蝦同蝦乾配上白酒汁，好有鮮味，面既韌度啱啱好。