影片
更多
2023-05-09
289 瀏覽
平時行過觀塘APM嘅Cupping Room都會好奇裡究竟係點樣，今日收工決定入去一探究竟🤔原來入面有一間裝修得非常別緻嘅法國餐廳叫Bistro Le Parisien，我哋兩個人分別叫咗兩個4 Course Dinner Set，再叫多個小食同甜品。先嚟嘅係嗰南瓜湯，濃郁嘅南瓜湯上面落咗啲忌廉同加咗粟米片，自己再加小小黑胡椒，味道同口感都滿足到。頭盤我哋就叫咗煙三文魚羽衣甘藍沙律，同埋香草牛油配田螺薯蓉，劇透咗先！全餐晚飯，我最滿意就係嗰個田螺薯蓉，真係做得非常非常出色！田螺大大隻仲好香蒜蓉同牛油味，而且食得出好新鮮！通常田螺薯蓉個重點都會係喺個田螺嗰度，但絕對唔好忽略個薯蓉，同樣整得好香👍🏻而個沙律都做得好有誠意，分量亦唔似一個頭盤，坦白講，我哋食完兩個頭盤已經有啲飽。小食我哋嗌咗個特色甜薯條配柚子醬，其實即係番薯條，明顯地啲番薯條係啱啱炸起，拎上手仲要係辣手嗰隻，基本上就咁食都好甜好好味，點埋個柚子醬同啲甜味中和返，又會有一種清新嘅感覺。主食我哋揀咗蟹肉黑松露野菌意粉，同埋澳洲M5和牛牛排。先講個意粉，基本上黑松露配野菌都冇得輸㗎啦，再加上蟹肉同埋啲醬都有90分👍🏻至於個和牛牛扒
平時行過觀塘APM嘅Cupping Room都會好奇裡究竟係點樣，今日收工決定入去一探究竟🤔
原來入面有一間裝修得非常別緻嘅法國餐廳叫Bistro Le Parisien，我哋兩個人分別叫咗兩個4 Course Dinner Set，再叫多個小食同甜品。
先嚟嘅係嗰南瓜湯，濃郁嘅南瓜湯上面落咗啲忌廉同加咗粟米片，自己再加小小黑胡椒，味道同口感都滿足到。
頭盤我哋就叫咗煙三文魚羽衣甘藍沙律，同埋香草牛油配田螺薯蓉，劇透咗先！全餐晚飯，我最滿意就係嗰個田螺薯蓉，真係做得非常非常出色！田螺大大隻仲好香蒜蓉同牛油味，而且食得出好新鮮！通常田螺薯蓉個重點都會係喺個田螺嗰度，但絕對唔好忽略個薯蓉，同樣整得好香👍🏻而個沙律都做得好有誠意，分量亦唔似一個頭盤，坦白講，我哋食完兩個頭盤已經有啲飽。
小食我哋嗌咗個特色甜薯條配柚子醬，其實即係番薯條，明顯地啲番薯條係啱啱炸起，拎上手仲要係辣手嗰隻，基本上就咁食都好甜好好味，點埋個柚子醬同啲甜味中和返，又會有一種清新嘅感覺。
主食我哋揀咗蟹肉黑松露野菌意粉，同埋澳洲M5和牛牛排。先講個意粉，基本上黑松露配野菌都冇得輸㗎啦，再加上蟹肉同埋啲醬都有90分👍🏻至於個和牛牛扒，你淨係睇相都知道靚仔啦！M5真係M5，牛味非常濃郁，我個人推介唔點醬試一試先。
甜品我哋就揀咗心太軟，一個好嘅心太軟，當然係要裡面嘅朱古力醬一用個匙羹不落去嘅時候就流出嚟，佢做到！一啖心太軟，一啖雲呢拿雪糕，食完嗰種滿足感真係不得了！
最後飲品我哋叫咗Coconut matcha latte 同Ice chocolate ，兩杯賣相都好靚！先講個Ice chocolate，凍嘅朱古力配cream係定律嚟，而個朱古力味重得嚟唔會太甜，完全合我心意。Coconut matcha latte顏色好有層次，店員特別提醒要搞勻一齊飲，抹茶味濃得黎唔苦，仲帶有陣陣椰奶香，咖啡味唔算重，平時唔飲咖啡既朋友都可以試下😚
張貼
