Pizza Piazza (已結業)

平時收工時段經過已經見到幾滿，今日經過見到有位就去試吓。個pizza睇落好大個好吸引，但同朋友驚食唔晒，所以各自叫咗意粉同埋小食share。等緊食秒嘅期間都幾多人等外賣，之後先知原來有七折，好抵下次試吓先。堅 水牛城雞翼 $78叫咗一碟雞翼，有好多隻雞翼，夠晒同朋友 share，👍好抵食，雞翼皮焗到好脆，食落少少辣好開胃，怕辣嘅仲可以點芝士醬，夠晒邪惡又好味。肉醬千層麵 $98側邊加咗沙律菜同蒜香芝士包條伴碟，鍾意食菜可以健康啲。一切開千層麵就見到入面放了肉碎，而蕃茄汁就喺側邊，跟自己個人喜好睇吓每啖想加醬食，仲有上面加咗芝士，芝士迷最愛。本身見到佢嘅甜品好似都唔錯想試，但係食完正餐已經好飽。唯有下次有機會再試香蕉拖肥批同埋 tiramisu。