其味煮意 (已結業)

今日同朋友仔係vcity行完街去咗隔離嘅工業大廈食好西食，佢好有心思帶我去咗間好有私人空間嘅餐廳，呢度樓底高，地方寬躺，枱與枱之間隔得夠遠。好，坐低睇吓有咩好食先。牛肝菌湯，湯清甜得黎好有菇味。美國安格斯西冷牛扒5oz，原來5oz牛扒都好大件，抵食！仲要有大量薯菜，男仔都夠飽。牛扒有牛味而且夠軟腍。西班牙黑毛豬鞍扒配低鹽純豬肉腸，豬鞍厚切，連埋豬肉腸都係冇味精，最讚係呢個炸茄子，平時食開都係煎，呢個係炸，炸到外脆內軟，夠特別！焗火焰雪山，外面有焦糖花嘅香味，裏面係充滿空氣感嘅蛋白，食完幸福滿瀉。秘密花園，原來呢度仲有一間獨立房，裏面serve二人長桌，男朋友送埋花，會開心死。