影片
更多
2012-08-22
47 瀏覽
澳門金隆雲南米線係一間起源於澳門，已經有十幾年歷史o既米綫專門店，當地設有五間分店，今年夏天進軍香港市場，首間分店設於銅鑼灣渣甸街，鄰近區內最新地標希慎廣場近年銅鑼灣租金大幅上升，好多位於大馬路兩旁地舖o既食肆都要搬到內街或者商場，渣甸街兩旁都有幾多餐廳，其實o係呢條街開舖都有番一定實力，我地舊年就黎過呢間米綫專門店斜對面o既樂心冰室享用招牌菠蘿叉燒包團購優惠早前o係網站用每張$30 價錢買左兩張 coupon，每張 coupon 可以換到一份米綫套餐，包括一碗酸辣雜錦牛肉米綫或酸辣雜錦雞肉米綫再加一碟酸辣黃瓜以及一杯全港首創 Tiramisu紅豆冰 (價值$67)若果大家有睇開本人o既食評，都知道 BabyBamboo 支持者係唔食得辣，所以今次搵左另一個朋友去享用呢個團購優惠 我地當日大約2pm 黎到呢間米綫專門店，雖然午飯時間差不多完，不過當日係新商場開幕o既第二日，多左好多人黎呢區行街，店內差不多滿座，由於我地只係兩個人，等左一陣就可以入座，我地通知店員使用團購優惠，一個要雜錦牛肉米綫，另一個要雜錦雞肉米綫，店員問我地要清湯、酸辣抑或係麻辣，我地兩個都選左酸辣米綫我地落單後諗返
近年銅鑼灣租金大幅上升，好多位於大馬路兩旁地舖o既食肆都要搬到內街或者商場，渣甸街兩旁都有幾多餐廳，其實o係呢條街開舖都有番一定實力，我地舊年就黎過呢間米綫專門店斜對面o既樂心冰室享用招牌菠蘿叉燒包團購優惠
早前o係網站用每張$30 價錢買左兩張 coupon，每張 coupon 可以換到一份米綫套餐，包括一碗酸辣雜錦牛肉米綫或酸辣雜錦雞肉米綫再加一碟酸辣黃瓜以及一杯全港首創 Tiramisu紅豆冰 (價值$67)若果大家有睇開本人o既食評，都知道 BabyBamboo 支持者係唔食得辣，所以今次搵左另一個朋友去享用呢個團購優惠
我地當日大約2pm 黎到呢間米綫專門店，雖然午飯時間差不多完，不過當日係新商場開幕o既第二日，多左好多人黎呢區行街，店內差不多滿座，由於我地只係兩個人，等左一陣就可以入座，我地通知店員使用團購優惠，一個要雜錦牛肉米綫，另一個要雜錦雞肉米綫，店員問我地要清湯、酸辣抑或係麻辣，我地兩個都選左酸辣米綫我地落單後諗返都覺得有o的奇怪，張 coupon 寫明係酸辣米綫，點解而家可以選清湯或者麻辣呢？原來客人係可以選擇清湯，唔食得辣o既 BabyBamboo 支持者今次真係走寶
當時都幾多人幫襯，不過廚房都幾快手，我地o既食品及飲品唔駛五分鐘就陸續送黎
酸辣雜錦牛肉米綫用料豐富，內有多個唔同部位o既鮮嫩牛肉，好似牛展及肥牛肉米綫順滑爽口，酸辣湯底非常惹味，令人開胃
至於另一碗酸辣雜錦雞肉米綫又係有多個唔同部位o既雞肉，除左多件淨雞肉，又有斬開一半o既雞中翼，仲有兩隻即炸o既雞中翼另碟上添
雞肉件件嫩滑少骨，彈牙滑溜o既米綫吸收左湯底精華，跟酸辣湯底都配合
兩碗米線都有肉碎、酸菜、芽菜及韮菜呢o的配料，根據團購優惠介紹，米線o既湯底無落味精，係由上等雞骨長時間熬製而成
呢個餐附有酸辣黃瓜呢款小食，黃瓜都算爽脆，令人開胃，適合用黎伴米線
大家飲紅豆冰就飲得多，相信好多人都未試過 Tiramisu 紅豆冰，呢杯 Tiramisu 紅豆冰係呢間米綫專門店首創，我地當日享用米綫團購優惠就試到呢款飲品，紅豆粒粒起沙，Tiramisu 味道香濃，有少少冧酒味
今次呢個優惠都算抵食，$30就可以食到正宗雲南米綫，又有小食酸辣黃瓜，仲試到全港首創 Tiramisu 紅豆冰添，若果日後再有團購優惠應該會再幫襯，試下其他野食
雖然澳門金隆雲南米線現時只得銅鑼灣一間舖，不過客人食品記錄張紙有註明渣甸街呢個地方，可能係呢個過江龍o係不久將來開其他分店
呢間澳門熱店其實幾受歡迎，強國人亦都歡喜黎到銅鑼灣食返o的穩陣又適合自己口味食品，自然會黎幫襯，店舖規定客人一定要搭檯，若果大家覺得同埋強國人一齊搭檯食米線會感到自畀，就可能唔太適合黎呢度喔！
題外話/補充資料：
大家都知道每個客人口味唔同，有o的人連少少辣都唔食得，留意到成日都會有人o係團購網站問呢o的粉麵優惠可唔可以走辣，通常客戶服務員都係話走左辣冇咁惹味，建議客人試下少辣
若果團購網站一早向米綫專門店爭取客人可以選擇清湯湯底，相信更多人會買多幾張 coupon 旁身喔！
(以上食評乃用戶個人意見 , 並不代表OpenRice之觀點。)
張貼
