影片
更多
2012-07-01
365 瀏覽
Bismillah Kebab House 係一間中東菜餐館,位於尖沙咀重慶大廈一樓,開左大約兩年,OpenRice 評分高達4.3,咁耐以黎都冇劣評店主係巴基斯坦人,請左土耳其厨師製作地道卡巴 呢間中東菜餐廳就連電視藝人金剛都幫襯過早前o係網站用每張$25價錢買左兩張雞肉卡巴四選一套餐 coupon,每張coupon 可以換到雞肉卡巴一份及汽水一罐 (原價$51)當日下午茶時間我地黎到重慶大廈,由於印象中以前未入過呢幢大廈,唔熟悉環境,我地問看更點樣上一樓食肆,佢初頭話o個層冇乜野食,不過聽到我地話去75號舖就知道我地去食卡巴,由此可見近期都幾多人問佢點去呢間舖頭我地沿住窄窄o既樓梯上一樓,上到去直行就見到角位有呢間餐館,佢地大約有六,七張摺檯,部份放o係走廊兩旁,部份o係隔離舖位,門面都算企理乾淨可能o個時係大約5pm,唔見有本地人幫襯,只有兩三檯印巴籍客人坐o係度食野我地坐o係對住店舖o既一張檯,一名年青印巴籍店員見到我地就遞上兩本餐牌,我地見到餐牌o的野食唔平,況且我地係享用團購卡巴套餐,冇諗住再叫其他野食,於是俾左張 coupon 店員,佢冇問我地飲乜野就走左去隔左一陣店員又
店主係巴基斯坦人,請左土耳其厨師製作地道卡巴
呢間中東菜餐廳就連電視藝人金剛都幫襯過
早前o係網站用每張$25價錢買左兩張雞肉卡巴四選一套餐 coupon,每張coupon 可以換到雞肉卡巴一份及汽水一罐 (原價$51)當日下午茶時間我地黎到重慶大廈,由於印象中以前未入過呢幢大廈,唔熟悉環境,我地問看更點樣上一樓食肆,佢初頭話o個層冇乜野食,不過聽到我地話去75號舖就知道我地去食卡巴,由此可見近期都幾多人問佢點去呢間舖頭
我地沿住窄窄o既樓梯上一樓,上到去直行就見到角位有呢間餐館,佢地大約有六,七張摺檯,部份放o係走廊兩旁,部份o係隔離舖位,門面都算企理乾淨
可能o個時係大約5pm,唔見有本地人幫襯,只有兩三檯印巴籍客人坐o係度食野我地坐o係對住店舖o既一張檯,一名年青印巴籍店員見到我地就遞上兩本餐牌,我地見到餐牌o的野食唔平,況且我地係享用團購卡巴套餐,冇諗住再叫其他野食,於是俾左張 coupon 店員,佢冇問我地飲乜野就走左去
隔左一陣店員又笑笑口用半鹹半淡o既英文問我地睇完餐牌後叫乜野食,我地就開始覺得唔對路
之後有位比較講得好o的英文o既店員 (疑似老闆) 招呼我地,我地同佢講用團購優惠,佢就叫我地出示 coupon,心諗乜唔係張 coupon 俾左頭先o個位店員咩?呢個時候年青店員返黎,原來佢將我地o既 coupon 放o係牛仔褲袋,嘩! BabyBamboo coupon o係唔識中文o既年青印巴籍店員眼中原來只係一張宣傳單張又或者係一張廢紙,真係攪到我地差o的嚇破膽!疑似老闆睇完 coupon 問我地飲乜野汽水,我地兩個都選擇百事
等候卡巴o既時候,我地留意到側邊有個櫃放左幾多飲品及罐頭,見到有大陸五香肉丁罐頭,唔知佢地會用黎做乜野中東菜呢?另外,我地發現可樂公司出品o既紅提莎同埋蘋提莎有氣果汁只係賣$10支,真係仲平過超市
大約十分鐘後,雞肉卡巴同百事終於送黎,雞肉卡巴用錫紙包住,分開兩件上碟
卡巴內有秘製 BBQ燒汁,外皮有o的脆,暖暖地,入面除左雞肉,仲有幾多新鮮生菜、洋蔥、蕃茄同埋沙律醬,幾清新,唔覺得油膩,雞肉都有肉汁,唔覺得柴
當我地食緊卡巴o既時候,年青印巴籍店員走黎想同我地傾計 “朋友, I don’t know Chinese!”,之後佢冇講其他野,坐o係隔離張檯望住我地食,我地有諗過打開話題,想問下佢識唔識得貼o係玻璃窗上面張相o既金剛,不過最後都冇問
呢度o既卡巴除左配雞肉,仲可以配牛肉或羊肉,另外佢地通常隨餐附送o既汽水係選用較受市場歡迎o既可樂公司出品,可能成本問題採用較平價o既百事、七喜俾團購客人,雖然團購可用半價享用卡巴套餐,不過卡巴款式及汽水就冇咁好o既選擇
其實今次我地唔係第一次食卡巴,半年前我地食過亞士厘道 Ebeneezer's Kebabs & Pizzeria,覺得味道差不多,不過Ebeneezer's Kebabs & Pizzeria o的卡巴有多o的菜
相對於其他團購網站,團購達人歡喜搵o的比較大眾化o既優惠,例如係火鍋及米線,好少要大家享用優惠時同店員用英文溝通,我地打算問下老闆點解會有呢個難得o既合作機會,究竟係團購達人覺得卡巴店老闆有誠意,抑或係老闆搵團購達人傾呢個優惠,不過老闆唔知行左去邊度,我地o係舖頭等左超過十分鐘都唔見佢返黎,唯有日後先為大家解開呢個謎團
卡巴係一款近年多左香港人認識o既食品,市面亦都多左賣卡巴o既食肆,就連商場 food court 都有得賣
今次享用呢個團購優惠簡直充滿驚喜,亦都幾抵食,$25就食到一份雞肉卡巴連汽水,若果日後有機會可以試下其他中東菜
題外話/補充資料：
由於上次團購反應熱烈,近期亦再推出另一次優惠,不過又再引起激烈討論
雖然團購優惠o既標題係註明雞肉卡巴以及四選一,不過入面就介紹土耳其卡巴卷有雞肉,羊肉及牛肉,令到唔少人誤會點解係四選一卡巴連汽水套餐,原來四選一唔係指卡巴款式,而係選擇七喜,百事,美蓮達抑或係 Mountain Dew 汽水,網站最後要更改優惠標題先能夠平息事件
另外,原來今次優惠只限外賣自取,不過團購網站照用返上次份稿,又冇更改優惠o既變動,結果有人問點解上文話可以堂食,下面又話只限外賣自取,若果推出優惠時與商戶多o的溝通,核對清楚文章內容先刊登,就能減少客戶服務員o既壓力,唔駛話餐廳設有少量坐位,唔用 coupon o既人歡迎堂食黎打圓場喔!
(以上食評乃用戶個人意見 , 並不代表OpenRice之觀點。)
張貼
