皓景閣 (已結業)

星期六晚同朋友係土瓜灣搵間餐廳食晚飯，見四周圍嘅餐廳都要排隊同埋坐滿晒人唔想等，經過呢間餐廳繁忙時段冇乜人，諗住是但有位就入去食晚飯，點知就係中伏嘅開始。餐廳環境衛生一般，餐牌摸上手笠痴痴。叫左個拔絲咕嚕肉，咕嚕汁個味道酸得濟，啲咕嚕肉嚟到已經唔熱凍晒，仲要唔脆，啲豬肉好大陣雪味，超難食，食咗一嚿已經唔想食。另外叫咗個椒鹽鮮魷，都係唔熱，一咬成口油，啲鮮魷一食就食得出係雪藏鮮魷，仲要冇味，好似冇落調味咁，好差。奉勸大家唔好過嚟食，食物質素好差。