牛極 (樂聲大廈)

營業中

休息中

有時減緊肥出街食嘢都好似好少選擇，今日俾我預啱一間非常合心意的餐廳，餐廳主打食石燒牛，點了主食可以自助添湯、沙律、白飯等，但低碳或者生酮飲食嘅人，走飯是常識吧！石燒牛柳肉一個女仔180g已經非常足夠，牛柳肉肉味香濃，咀嚼時有嚼勁，可以自己加配醬汁。牛柳肉放在熱騰騰的熱石上，全程keep住個溫度👍🏻。而我最開心就係可以按住自己嘅喜好烹調牛肉的成熟度，除了好玩之外，仲可以滿足果腹。沙律菜沙律菜好新鮮，由於我沒有吃白飯，所以一個人都吃了兩碗大大的沙律菜，加入日式芝麻醬汁大大提升食物的味道，雖然好好味，但記得大家都唔好落太多醬汁啊！日式牛肉湯呢個牛肉湯好香濃，而且真材實料，加入了粒粒牛肉，而且牛肉軟嫩，目測店內的人每個人都幾乎至少飲兩碗。今次嘅體驗唔錯，相信下次減肥諗唔到食咩都會再去光顧。