杏甜品 (香檳大廈) (已結業)

每個女孩子都有個專係裝甜品嘅胃😆，而且近日天氣涷涷地，更加想食啲暖笠笠嘅甜品。𝗔𝗹𝗺𝗼𝗻𝗱 𝗗𝗲𝘀𝘀𝗲𝗿𝘁杏甜品係每日鮮製，產品都係以低糖健康為主。尖沙咀分店係 The One 附近，木系嘅裝潢，感覺清新，而且坐得舒服💕🔅核桃露木蓮凍 $46第一次接觸木蓮凍，佢係類似仙草、涼粉，口感輕盈滑溜。核桃露幼滑，味道香濃，而清爽嘅木蓮凍有少少中和感覺，令合核桃露食落無咁 heavy👍🔅椰皇湯圓燉雙皮奶 $69食到椰皇嘅清甜，滑滑嘅蛋白，感覺滋潤又健康。湯圓選擇咗芝麻，一咬爆餡，有流沙感覺，好食😋🔅抹茶湯圓 $42自家製湯圓，味道的確唔錯。同樣係一咬爆餡，抹茶帶少少苦澀，感覺真材實料🍵