影片
更多
2006-03-29
6 瀏覽
見有咁多讚食評，決定和男友& 妹妹嚟試。環境唔算靚，室內還OK，室外露天位一啲都唔討好，凌亂似雜架攤；唔明點解咁多openricer 話呢度環境好。講完環境講食物，我地一行3人叫咗：鵝肝、焗田螺、蜜糖雞翼、墨汁意大利麵(跟餐)，牛肋肉闊麵，同埋暖心朱古力蛋糕。侍應首先奉上甜餐包，同惠康嗰啲無分別，無分加。餐湯係稀溜溜嘅 cream soup，頗無誠意，扣分。小食陸續上台，率先登場係蜜糖雞翼。雞翼有6隻，每隻都骨瘦如柴，啲肉勁鞋似火雞；跟住係鵝肝，有兩小塊，外唔脆內唔熱，而且「零」油潤，cheap 到唔可以再cheap 嘅貨色。緊接住嘅係焗田螺，一上台我己經覺得有問題，皆因我無見過咁深色嘅田螺肉。無人敢試，男友唯有頂硬上，唔試由自可，一試就把幾火，啲田螺竟然係脆嘅！焗燶咗就唔好拎出嚟啦，離哂普，忍唔住同侍應投訴，侍應亦爽快地叫廚房再做。食到Main dish 終於好番啲。墨汁意大利麵絕對做得唔好，只可說是中規中舉；牛肋肉闊麵則十分抵讚，份量大而且用牛肋肉代替lasagna常用的minced beef，平凡中帶驚喜。通常暖心朱古力蛋糕都要等上20多分鐘，所以男友係食到差唔多嘅時候就落定or
侍應首先奉上甜餐包，同惠康嗰啲無分別，無分加。餐湯係稀溜溜嘅 cream soup，頗無誠意，扣分。小食陸續上台，率先登場係蜜糖雞翼。雞翼有6隻，每隻都骨瘦如柴，啲肉勁鞋似火雞；跟住係鵝肝，有兩小塊，外唔脆內唔熱，而且「零」油潤，cheap 到唔可以再cheap 嘅貨色。
緊接住嘅係焗田螺，一上台我己經覺得有問題，皆因我無見過咁深色嘅田螺肉。無人敢試，男友唯有頂硬上，唔試由自可，一試就把幾火，啲田螺竟然係脆嘅！焗燶咗就唔好拎出嚟啦，離哂普，忍唔住同侍應投訴，侍應亦爽快地叫廚房再做。
食到Main dish 終於好番啲。墨汁意大利麵絕對做得唔好，只可說是中規中舉；牛肋肉闊麵則十分抵讚，份量大而且用牛肋肉代替lasagna常用的minced beef，平凡中帶驚喜。通常暖心朱古力蛋糕都要等上20多分鐘，所以男友係食到差唔多嘅時候就落定order。
誰不知等約30分鐘，都仲未見踪影，男友就叫侍應催吓廚房。不消一會，侍應就回來告訴我們暖心朱古力蛋糕焗壞咗，廚房已為我們重新再做。當我地以為呢餐飯已無得再差嘅時候，侍應奉上妹妹嘅餐飲- 熱華田。飲咗一啖，妹妹已經話好難飲。我好奇試吓，真係幾難飲，華田粉落得勁輕手，很稀且淡，頗反胃。
大概15分鐘後，萬眾期待嘅朱古力蛋糕終於隆重登場。用叉拮開蛋糕，啲朱古力槳好似溶岩咁湧出嚟，場面壯觀。雖然略嚴朱古力槳太稀，但仍急不及待將蛋糕& 朱古力槳一併擺入口。Wa..wa..wa.. 真係好好好甜呀！甜得令人卻步，連妹妹(warm chocolate cake 痴) 都唔多想食。3 個人連一個warm chocolate cake 都食唔哂，唉！
呢餐飯都可算係低處未算低。
張貼
