影片
更多
2024-10-17
437 瀏覽
2024年9月11日 星期三今晚同老婆嘗試咗呢一間紅磡小店，位置喺崇潔街裏面，雖然唔太顯眼，但係一去到都即刻見到店舖入到去坐低發現餐廳主打係海鮮，可以預訂海鮮盤，就咁睇相片都覺得幾震撼，期待下次可以同多啲人一齊嚟試下餐廳都有提供一般中餐食，而且更有人氣菜式蒸肉餅，簡直中晒我既心水，價錢都幾貼地，可能主要係做街坊生意，於是我哋就點左幾個小菜同肉餅試下一點完餐店員就即刻送上中湯，係花生雞腳湯，一搵就搵到成隻雞腳，夠晒足料，而且雞腳煮到好腍，證明個湯應該煮左好多個鐘，好夠味又唔會太鹹之後有馬蹄土魷蒸肉餅，一黎到已經聞到好香既土魷味，肉餅裡面肥瘦豬肉既比例一半半，食落去好香口，送飯食直頭係一流，加上馬蹄又再增加口感，所以好快我哋就清晒成碟跟住有招牌碌鵝，果然係餐廳招牌菜，整得好入味又夠腍，脂肪唔算太多，個汁又唔會太鹹，同鵝肉好夾，加上唔算太多骨，食落去啖啖肉呢個係醬香炆大鵝，同碌鵝又有另一種風味，炆到啲肉好腍又夠惹味，份量足夠兩個人食最後仲有椒鹽鮮魷，冇諗過成碟嘅份量都幾多，每條魷魚都好大，炸漿唔算太厚，咬落去外皮鬆脆，裏面嘅魷魚幾煙靭，屋企完全整唔到呢一個質素，真係得餐廳先食到期待下一次嚟可
今晚同老婆嘗試咗呢一間紅磡小店，位置喺崇潔街裏面，雖然唔太顯眼，但係一去到都即刻見到店舖
入到去坐低發現餐廳主打係海鮮，可以預訂海鮮盤，就咁睇相片都覺得幾震撼，期待下次可以同多啲人一齊嚟試下
餐廳都有提供一般中餐食，而且更有人氣菜式蒸肉餅，簡直中晒我既心水，價錢都幾貼地，可能主要係做街坊生意，於是我哋就點左幾個小菜同肉餅試下
一點完餐店員就即刻送上中湯，係花生雞腳湯，一搵就搵到成隻雞腳，夠晒足料，而且雞腳煮到好腍，證明個湯應該煮左好多個鐘，好夠味又唔會太鹹
之後有馬蹄土魷蒸肉餅，一黎到已經聞到好香既土魷味，肉餅裡面肥瘦豬肉既比例一半半，食落去好香口，送飯食直頭係一流，加上馬蹄又再增加口感，所以好快我哋就清晒成碟
跟住有招牌碌鵝，果然係餐廳招牌菜，整得好入味又夠腍，脂肪唔算太多，個汁又唔會太鹹，同鵝肉好夾，加上唔算太多骨，食落去啖啖肉
呢個係醬香炆大鵝，同碌鵝又有另一種風味，炆到啲肉好腍又夠惹味，份量足夠兩個人食
最後仲有椒鹽鮮魷，冇諗過成碟嘅份量都幾多，每條魷魚都好大，炸漿唔算太厚，咬落去外皮鬆脆，裏面嘅魷魚幾煙靭，屋企完全整唔到呢一個質素，真係得餐廳先食到
期待下一次嚟可以嘗試吓餐廳嘅海鮮拼盤！！
張貼
