Craft Coffee Roaster (Tai Kok Tsui)

營業中

休息中

近排先收藏嘅咖啡店，呢度都幾早開門，啱哂最近早起嘅我地。咖啡店位於大角咀，店面小小，只有幾張高枱同幾個吧枱位置。裝潢好簡單，唔係啲咩打卡野，專注做啡。週末朝早都已經好多人，店員忙過不停，沖咖啡、翻熱甜點。除左餅櫃入面嘅戚風、磅蛋糕、司康、金寶、檸檬撻等，仲有輕食酸種包同三文治定價$40-64；飲料以啡為主。Scone $30司康幾大件，表面烤到啡黃，質感較硬，食落脆口唔散。 附奶油果醬，我覺得好食嘅，但就唔係平時食開嘅scone。Raspberry Crumble $46推薦金寶，輕輕加熱，外層香酥，唔會油淋淋，裡頭係莓醬，酸酸地好醒神，如果鐘意甜嘅可以點蘋果味Dark Chocolate Mocha $38同一般摩卡唔同，黑朱古力味較明顯，甜度偏低，同時保留到啡味。