Mezze (已結業)

幾日前約咗朋友去食飯，點知佢臨時要OT，就要我等佢一陣，咁我又見我有啲肚餓，你就去咗附近嘅一間餐廳食少少野。呢間係一間新開嘅餐廳嚟，佢係專門食地中海菜。因為我本身都冇食過，所以有啲心郁郁。呢個係芝士沙律，顏色好鮮艷。沙律菜好新鮮，仲有啲石榴粒，佢用咗啲黑醋來調味，所以味道酸酸甜甜咁。而呢塊咁厚嘅就係芝士，係羊奶芝士嚟嘅，佢個質感好特別，俾我哋食開嘅一般芝士唔同，佢個質地係好乾身，仲有啲奶嘅味道。跟住我仲叫咗個雞牛扒配薯條，我覺得佢特別再係有三種唔同嘅醬汁，不過最鍾意嘅都係普通嘅茄汁。牛扒同埋雞扒都係用咗烤嘅方法，味道冇咁油膩。