Le Steak Specialiste (已結業)

「Le Steak Specialiste」 坐落於佐敦一條較靜嘅街道，由於餐廳設計相當低調，如果唔係刻意去搵其實都有啲唔起眼。唔好睇佢裝飾平平無咩特別咁，其實依間餐廳都充滿幾多驚喜元素。 首先入到去會發現Menu除咗扒、意粉、海鮮之外，仲會有啲幾特別嘅嘢食，例如蝦多士、鮑魚酥盒、咖哩薄餅等，集各國之大成，非常之多元化~🧡蘑菇湯（跟餐$free）蘑菇湯份量充足，加咗少少忌廉，成個口感都唔錯，飲完有啲飽肚~🧡香草燒草飼牛肉眼（$159）牛扒叫咗七成熟，熟度控制得啱啱好~食落幾重牛香味，不過就根位較多，切同食嘅口感爭咗少少~薯條就炸得幾酥脆~🧡馬賽調和酒焗大蝦帶子（$245）大蝦同帶子飽滿大隻~馬賽調和酒汁味道相當特別，調味充滿異國風情，個人覺得好過癮~不過依個味道相信唔係人人都啱，如果係鍾意港式口味嘅朋友仔，可能依一碟就未必咁適合，如果係鐘意特別調味嘅朋友仔應該會幾鐘意~整體黎講依間餐廳味道偏清，食完個人都幾舒服，相信都無咩點落味精~見老闆全晚一個人去招呼咁多枱其實都幾辛苦，不過睇得出佢係好用心咁去經營。 如果大家有機會路過想試下同平時不一樣嘅口味，依間餐廳都可以一試！