ChocoDuck Bistro (已結業)

今日與內子到小島一遊，專登上網睇下有咩好食，見呢間鋪開業數年，食評甚少，能夠在香港地立足幾年一定有過人之處，所以決定一試。入內好店東貼心親切招呼，感受得出係用心對待，喺今時今日香港少有嘅待客態度，音樂好舒適，格局好舒服隨性。首先叫咗是日餐湯，係番茄蓉湯，有番茄酸味，亦有忌廉嘅香滑(太投入忘記拍照😅)。第二道係雞肉雜菇薄餅，調味適宜，雞肉比相像中更加入味！ 第三道係豬肩肉自家蛋麵，蛋香岀眾，份量適中，如果豬肉多啲就好啦😆 最後一杯 flat white 完結呢餐有驚喜嘅晚餐。兩位大㕑用心製作食物，一定翻焯，下次要試慢煮牛同其他肉類菜式！ 多謝。