影片
更多
2022-12-10
21 瀏覽
今日專登入元朗搵個好耐冇見既朋友食飯，地膽話食好啲所以就揀咗呢間隱世既低調但高手omakase 店 晚市有三款 : $1080/$1280/$1580我地揀咗中間嗰款黎試試前菜： 京都蘿蔔：口感清爽，味道清新。鮟鱇魚肝：會喺綿密口感嘅鮟鱇魚肝上面加咗秘製嘅啫喱，令味道嘅層次得到提升。秋刀魚卷 ：秋刀魚呢個時間當造，魚肉夠肥美，仲有陣陣獨有嘅鮮味。野生真鯛：嚟自九洲嘅真鯛，係白身魚嘅一種，肉質清爽，加埋秘製嘅酸汁、蘿蔔蓉等，令味道更豐富。北海道帶子：本身帶子經已鮮甜無比，師傅除咗會刺激其神經，令口感更爽口之外，仲會喺帶子上面加咗岩鹽同埋酸酸甜甜嘅酸橘汁，可以有效提升帶子嘅鮮味。鰆魚：嚟自北海道嘅鰆魚，魚油較重，好啱用嚟做煙燻，師傅用咗禾稈草煙燻，令魚肉增添獨特嘅香味之外，仲可以辟除魚肉嘅腥味，而因為較多油脂，所以師傅會配埋醃洋蔥，可以令油膩感降低不少。八爪魚：經過咗兩小時嘅慢煮同用鹽按摩，令肉質由煙韌變得軟腍，煮得夠入味，仲加埋柚子皮提鮮。鰤魚：依家嘅鰤魚係最肥美，入口嫩滑。深海池魚：會比池魚嘅魚味濃，肉質亦都會較爽口。池魚：口感會較軟嫩，上面仲加咗香蔥，增添一份清新嘅味道。湯：用咗好多
晚市有三款 : $1080/$1280/$1580
我地揀咗中間嗰款黎試試
前菜：
京都蘿蔔：口感清爽，味道清新。
鮟鱇魚肝：會喺綿密口感嘅鮟鱇魚肝上面加咗秘製嘅啫喱，令味道嘅層次得到提升。
秋刀魚卷 ：秋刀魚呢個時間當造，魚肉夠肥美，仲有陣陣獨有嘅鮮味。
野生真鯛：嚟自九洲嘅真鯛，係白身魚嘅一種，肉質清爽，加埋秘製嘅酸汁、蘿蔔蓉等，令味道更豐富。
北海道帶子：本身帶子經已鮮甜無比，師傅除咗會刺激其神經，令口感更爽口之外，仲會喺帶子上面加咗岩鹽同埋酸酸甜甜嘅酸橘汁，可以有效提升帶子嘅鮮味。
鰆魚：嚟自北海道嘅鰆魚，魚油較重，好啱用嚟做煙燻，師傅用咗禾稈草煙燻，令魚肉增添獨特嘅香味之外，仲可以辟除魚肉嘅腥味，而因為較多油脂，所以師傅會配埋醃洋蔥，可以令油膩感降低不少。
八爪魚：經過咗兩小時嘅慢煮同用鹽按摩，令肉質由煙韌變得軟腍，煮得夠入味，仲加埋柚子皮提鮮。
鰤魚：依家嘅鰤魚係最肥美，入口嫩滑。
深海池魚：會比池魚嘅魚味濃，肉質亦都會較爽口。
池魚：口感會較軟嫩，上面仲加咗香蔥，增添一份清新嘅味道。
湯：用咗好多嘅蜆嚟煮，所以極為鮮甜。
慢煮北海道鮟鱇魚肝：鮟鱇魚肝口感綿滑，入口即化，味道鹹中帶甜。
鮟鱇魚煮物：魚肉彈牙細嫩，有啲似田雞肉，所用嘅湯亦都好鮮美。
縞蝦 ：係同牡丹蝦同級嘅高級刺身蝦，蝦膏經過火炙，加埋爽脆嘅蝦肉一齊食，蝦味更加濃郁。
梭子魚：師傅喺魚肉上加添醬油再將其火炙，味道帶點焦香，油脂香氣四溢。
長崎中拖：經過熟成七日，肉質更軟腍，肉味更濃。
北海道馬糞海膽：味道鮮甜，口感好Creamy，令人一食難忘。
手卷：用咗吞拿魚蓉、自家醃製嘅三文魚籽，口感豐富，味道鮮味。
麵豉湯：熱辣辣飲完成身暖晒
甜品：有白玉善哉之稱嘅紅豆湯，紅豆煮得夠爛，甜度適中。仲有靜崗蜜瓜，清甜清爽
張貼
