蘭苑燒臘餐廳

營業中

休息中

太子返工的我放飯又要去搵食。之前同事話呢間燒味無得輸，勁好食，仲夾左舊燒肉我試！哇！又真係好香！成個口陣陣咸香味同肉味，有少少肥令到啲肉特別嫩。個皮喺個飯盒入面焗左一輪，仲好脆！好！咁等我今日買個外賣飯盒試下其他燒味。呢個叉燒油雞飯都算份量十足。叉燒有少少肥，肉質好軟同嫩，外層燒得啱啱好，硬硬地，有焦糖化的感覺，叉燒汁調得好香！正！油雞的肉都好入味！雞肉好嫩，撈埋薑葱蓉同叉燒汁，成個飯盒話咁快食哂！我好怕食到外面的燒味，雞肉一點味都無，只有雪味。雖然呢間老店價錢略高，但都算交足貨！有下次！