百味川 (已結業)

近日發現呢間位於葵芳嘅正宗四川味麵店，湯底有驚喜，價錢又親民，有飯有麵悉隨尊便😆。下午茶套餐$38，一個兩餸麵+飲品，抵👍。加＄可轉湯底，有酸辣、麻辣、蕃茄、沙爹及蕃茄酸辣。麵底同樣俾你揀，有米線、薯粉、油麵，最特別有淮山麵！我點咗酸辣湯+豬大腸+自家制韮菜水餃+薯粉，份量十足，香味四溢。急不及待呷一口濃湯，酸辣味做得好平衡，沒有互相搶味嘅情況，入口先係感受到酸味，落到喉嚨就感受到辣味，很有層次感。薯粉入口滑溜彈牙，滲透着湯底濃香。湯底加入酸菜、花生、芽菜。豬大腸嘅肥膏大部分已被剪去，所以食起來肥而不膩，沒有腥味。自家製韮菜水餃一夾就爛，肥豬肉過多。湯底較餸菜做得出色，下次可以試埋其他湯底及麵。不過，店員傾計聲浪太大，連客人叫落單都聽唔到，亦好騷擾在場食客。