景霖正宗四川麻辣米線 (已結業)

其實我之前已經食過，當晚心思思又去幫襯，麻辣味依然係啱啱好(小辣)，唔似得其他舖頭啲味得個麻，無香味。我嗰晚叫咗豬肉、雞肉、支竹、豆卜嘅小辣米線，啲支竹同豆卜索咗湯後放入口，非常嘢味及好味，豬肉同雞肉新鮮又入味，配合小辣啱啱好。但如果食得辣嘅話，中辣相信更嘢味。我女朋友叫咗新出嘅柱侯牛腩，啲牛腩炆得好入味，味道勝過嗰啲雲吞麵舖嘅牛腩，值得推介。仲有鴛鴦雞翼，即叫即烤，熱辣辣，一定要叫。