京都薈

營業中

休息中

好少經過美孚這地區,今日偶然機會下在這區做嘢， 順道搵間餐廳食午餐, 由於這裏餐廳比較少，結果最後找到這間酒樓- 京都薈，可以嘆返杯茶食返個靚包先。這間酒樓應該是新開冇幾耐，若然不是就是保養得幾好， 裝修睇落還是好新， 地方也很大， 座位坐落寬敞，感覺舒服。午膳時間居然還有些特色套餐， 只需一百五十八元就有個午市三重奏， 自選兩款點心、一款炒粉麵飯 和一款小食 ，兩個人食啱啱好。這個午市三重奏我們最後點了醬皇蒸鳳爪、 鮮蝦炸雲吞、干燒伊麵和脆皮燒腩仔， 單看所選食物種類，咁嘅價錢絕對是非常之超值。而食物品質絕不馬虎， 干燒伊麵炒得好有鑊氣 ，油不是太多，食完沒有肥腻的感覺。 鮮蝦炸雲吞也做得非常脆口，食落卜卜脆 ，加上鮮蝦的爽彈，口感不俗。 脆皮燒腩仔雖然睇落肥膏較多， 但鹹道適中，肉身較嫩，味道幾好。平時去香港區飲茶叫幾碟點心連茶錢加一都超過200幾， 現在食咁多嘢連加一都是一百八十幾， 估不到美孚都有平靚正嘅酒樓，抵食。