德家日式燒肉店 (已結業)

今日夜晚係旺角諗住搵野食，去到創興樓下見到依間可打邊爐或燒肉都得既鋪試下。上到去我同老婆決定試下燒肉。我地叫左一個安格斯、刺身、海鮮、燒肉放題。黎到都好有驚喜，d刺身都好新鮮，非常唔錯。到燒肉海鮮到之後員工都好細心介紹每樣食物既煮法同需要幾耐時間。個牛肉肉質唔錯味道仲好好Tim，除左海鮮外其他肉都可以任叫，一定夠飽。出面既飲品都係任飲，最令人驚喜既係佢唔係得可樂汽水。佢好貼心咁有各種既凍茶。食左咁多熱氣野飲d茶。食完成餐飯最後仲有雪糕作結。我下次一定會再黎。