古早味休閒台灣 (已結業)

收工經過女人街食個晚飯，見裝修好得意，牆上好多壁畫，就入去試一試。 晚飯時間人多，等咗15分鐘先有位。 環境一般，非卡位既枱與枱之間好貼。麻辣拼盤小食有（豬耳，雞腎，豬肚）分量都比得算多， 豬耳口感爽脆，有陣八角香味，雞腎略嫌唔夠爽，豬肚好香鹵水味。宜蘭蔥餡餅，餡料都幾多，入口有肉汁流出，但略嫌油膩，肉味唔夠濃郁。酥雞扒湯麵，鹽酥雞炸得好酥脆，入面雞肉嫩滑，湯底太清唔夠味，有改善空間，麵條欠彈性。 整體而言， 以咁嘅價錢，不過不失， 可以試試。