Red Rice 米飯主題餐廳 (億利工業中心)

營業中

休息中

D2 HSBC 做緊20蚊睇戲，緊係去捧場。而呢間餐廳就可以俾你睇完透一透，填一填肚。餐廳裝修精簡，環境乾淨，睇唔出係工廈。餐牌選擇多，而且價錢好平，最緊要係好大份。板煎雞排蛋包飯嫩滑嘅雞蛋包住西炒飯而唔係白飯，比較特別。雞排好大份，肉質唔會太煙韌，味道唔錯。炸大蝦沙律份量巨大，配上香脆大蝦，啱哂D女士們。綜合水果茶跟套戲只係加20蚊。夠2至3個人飲，味道唔差，真係物超所值。布甸配榴槤雪糕布甸好彈，一掂就震騰騰。其中榴槤雪糕真係有好香濃榴槤美，朋友平時食開榴槤，都大讚呢個雪糕，必食。員工都好勤快同有禮貌。但值得一提嘅係餐廳入口，真係有D趕客，同室內差好遠，建議落D小功夫改善下。