樓下冰室 (已結業)

因為疫情禁左好耐既晚市堂食開返，於是約朋友食個晚飯。由於大家都無idea食咩，黎到最多野食既路德圍，我同朋友不約而同都選左樓下冰室。我地點左：焗鮮茄豬扒飯- 大大入，岩晒大胃王食，而且係炒飯底，用蛋去炒，食落口有好香蛋味。鮮茄夠多，撈飯正最正！豬扒一共有成3塊感多，肉質唔鞋口。金牌咖哩牛腩飯- 咖哩好惹味，唔會太過辣，而且食到咖哩有椰香味，牛腩煮得恰好，唔太冧唔太鞋。口水雞例牌-雞肉滑嫩，醬汁亦夠重口味，唔會死咸。炸韮菜餃-大大粒，一碟有8隻都幾抵食！雞湯浸什菇娃娃菜-湯唔太咸，碟頭大，推仲中意食菜既朋友～