入麵 (已結業)

行過諗住睇下有無酸辣粉食（係無既），見佢叫我入，我就試下啦。一個午餐$45，好大碗麵，餸又多，仲包一杯台式野飲，，杯熱珍奶用個大紙杯裝住，好大杯，好夠飽，我食左1/3米粉已經飽到頂住。我叫左個麻香雞蕃茄湯底米粉，熱珍珠奶茶好多蔬菜係面，有生菜絲、粟米、木耳、一片蘿蔔，睇到啲顏色都開心。個蕃茄湯幾清甜，住家味濃，應該係蕃茄薯仔洋蔥湯。個雞都愛幾多肉，但就有啲乾，佢係黃薑雞黎，唔知係咪返熱，好乾爭爭。見佢好多唔同小食都幾平，同我未試佢個招牌孜然牛或豬。會再黎試。今日遲左食晏，成兩點半先入去，又落大雨，店入面得三個人食緊。店面乾淨，坐位舒服。