住家菜 (柯士甸道)

營業中

休息中

其實點為之住家菜? 我理解係平凡食材，心思取勝。首先嗌咗兩碗老火湯，個湯飲落真係煲得耐嗰種，湯料亦足，豬骨薯仔，薯仔煲到粉粉地，好飲。侍應推介呀嫲雞，話係招牌菜，我地嗌咗，喺好高期望下依然冇失望。阿嫲雞其實就係沙薑雞，沙薑雞最緊要醃同蒸個時間，要夠時間將沙薑粉同紹酒醃得入味但又唔會太咸，蒸得熟又唔會鞋，呢兩樣做得的確好好，最難得係攤凍咗都唔覺得隻雞油，唔知係咪新鮮雞，但平時出去食麻辣雞煲或炸雞都會冚唔住浸雪味，但今次蒸嘅又食唔到有。阿嫲雞有少少芝麻鋪面，半隻兩個人食仍意猶未盡。另外嗌咗肥牛粉絲煲同柱貝魚湯雜菜煲。肥牛粉絲煲薄切肥牛肥瘦恰當，撈飯惹味。柱貝魚湯雜菜煲對於我一個唔鍾意食菜嘅人唻講真係好好味，底個湯嘅海鮮味夠濃，煲到啲菜又淋又甜，清哂。食完仲有中式糖水上，兩個人都只係348，抵食。