餃里 (宏輝大廈)

營業中

休息中

餃子絕對係我comfort food三甲之內，平時屋企唔知食咩既時侯都會煮餃子。 最近餃里係炮台山開分店，即使今日落雨都無阻我對餃子既熱愛，去左炮台山買外賣。炮台山分店只做外賣，店內完全無堂食座位。湯餃同煎餃種類好多，而芝士粟米、咖喱同泡菜味只有煎餃。餐廳既餃子係即叫即包即煮，肉餡係即日做，食材新鮮。- 和風椰菜咖喱鮮肉煎餃外皮煎到好脆，肉汁豐富，第一啖係微辣既咖喱味，然後食到爽脆既洋蔥餡，味道有層次👍🏻- 椰菜鮮肉湯餃湯底轉左住家蕃茄薯仔肉碎，味道非常清甜，飲曬都唔會口渴，好有家既味道🥰。湯餃外皮好薄，但仍然挺身同彈牙。每一粒湯餃都好大粒飽滿，證明餡料非常豐富，菜肉比例啱啱好。- 餃里撈麵撈麵幾粗身，袐製醬汁加上菜甫令平平無奇既撈麵變得出色🤩餃子既價錢好似有啲貴，但餃里一隻餃子既大小等於出面餐廳既兩隻，真係好足料，味道又出色，所以我認為幾抵食。