八月茶室 (南豐中心)

營業中

休息中

今日去南豐中心睇中醫調理身體，睇完都差不多7點，向商場附近搵個地方食晚飯再回家休息。2樓電梯位轉彎見到有間新開茶餐廳，一於就入去食試試。餐廳應該開業無耐，裝修新凈企理，最特別天花有好多月亮燈，所以餐廳英文名也叫「Moon」。餐牌中式小炒，川菜應有盡有，選擇都挺多，而且價錢合理。例湯好有住家風味，味道清甜。時菜牛肋條飯牛肋條份量非常多，肉味香濃帶一點咬勁，醬汁甜甜的，整體來講都非常不錯。豬肚炆滑雞煲豬肚爽口彈牙，滑雞帶少許南乳味，咸香惹味，而且用上煲仔上菜，食到最後一刻還保持新鮮熱辣。四川回鍋肉喜歡它的辣味到位，豬腩肉又爽口，完全不覺肥膩，好下飯的一道菜。豉汁蒸䱽魚豉汁惹味又好送飯 ，䱽魚肉質實淨又鮮甜，加上少許辣椒提味，更加滋味。