影片
更多
2014-09-11
2358 瀏覽
吸引小弟嚟到Gianni's，都喺因為其打正旗號充滿家庭風味嘅傳統意大利南部特菜色，小店位處正正伊利近街及些利街街口，亦即喺搭半山自動扶手電梯，上到伊利近街街口，抬頭左望有個好歐陸式綠色帳篷嗰一層就喺嘞。一出電梯就喺餐廳，叫得小店，就當然唔大，目測所見都喺大概40多個位左右，但佈置有種清雅純樸嘅格調，一派傳統意國小店嘅風格。而另一邊，一幅仍仿磚牆，加添意國農村家庭氣氛，讓人坐得倍感輕鬆 。枱上嘅餐具，相信最吸晴喺個摺成西服形嘅餐巾，實在有趣 。翻一轉餐牌，選類大致分為前菜、沙律、意大利飯、意粉、海鮮、肉類、甜品，每一項都喺三數款，或六、七款，選擇唔算多，但貴乎精，猶以意粉嘅菜式比較多，足足有9款選擇，而且，意粉全部自家手製 。 麵包籃就好似所以意大利餐廳，首先送上嘅麵包籃有兩款麵包，一款法式百吉包，另一款油角包，前者簡單配橄欖油、黑醋就可以喇，而後者入口幾似我哋廣東嘅鹹煎餅，不過，鹹咗啲，要沾多少少黑醋嚟平衡吓。 Bruschette di pane casereccio Pugliese con cherry tomatoeRucola $58 (Puglia Farme
一出電梯就喺餐廳，叫得小店，就當然唔大，目測所見都喺大概40多個位左右，但佈置有種清雅純樸嘅格調，一派傳統意國小店嘅風格。而另一邊，一幅仍仿磚牆，加添意國農村家庭氣氛，讓人坐得倍感輕鬆 。
枱上嘅餐具，相信最吸晴喺個摺成西服形嘅餐巾，實在有趣 。
翻一轉餐牌，選類大致分為前菜、沙律、意大利飯、意粉、海鮮、肉類、甜品，每一項都喺三數款，或六、七款，選擇唔算多，但貴乎精，猶以意粉嘅菜式比較多，足足有9款選擇，而且，意粉全部自家手製 。
麵包籃就好似所以意大利餐廳，首先送上嘅麵包籃有兩款麵包，一款法式百吉包，另一款油角包，前者簡單配橄欖油、黑醋就可以喇，而後者入口幾似我哋廣東嘅鹹煎餅，不過，鹹咗啲，要沾多少少黑醋嚟平衡吓。
Bruschette di pane casereccio Pugliese con cherry tomatoeRucola $58 (Puglia Farmer Bread served with Sicily Cherry Tomato and Roquet)
8款前菜中（$58-$188），依個平平哋，以南意嘅農夫包配西西里車厘茄嘅開胃小食，農夫包色澤黝黑，煙韌有麥香，車厘茄蘸滿橄欖油鋪晌包上，酸甜多汁，為晚飯揭開序幕。
Coccio Caldo ai Forno con Involtini di Scamorza Affumicata e Speck $118(Smoked Hard Italian Cheese with Parma Ham served in a Clay Pot)
另一道前菜喺依個「小砵」，將意大利硬芝士加入巴馬火腿及大磨菇同焗，焗後芝士半溶，拉出絲絲綿柔，芝士味芳香，將火腿及磨菇跟芝士一齊放入口，雖然惹味甘香，其實味道頗「漏」，建意不如配點百吉包，效果可能更好。
Insalatina di Mare con Olio e Limone $148 (Flavored Seafood Salad with Cattle Fish, Crab, Octopus and Shrimps)
依一道海鮮沙律幾有睇頭，八爪魚粗大軟腍，八爪魚味道濃郁，伴有薯仔、西芹、檸檬、黑橄欖，簡簡單單以橄欖油及香草調味，好讓食到食材本物鮮味 。只可惜無晒魷魚、蟹肉及鮮蝦，令依道「海鮮」沙律打咗折扣。
Orecchiette Pugliesi mantecate con Cavolfiore e Pancetta Sfritta $168 (Home-made South Italian ear-shaped pasta with Cauliflower and Pancetta)
意粉絕對喺意菜嘅代表，店家嘅意粉自家全手製，實在令人期待。先出場有耳仔形意粉，睇見意粉大小、形態不一，就更肯定喺花功夫嘅「手作仔」，誠意嘅表現。意粉只用橄欖油及蒜頭去煮，回歸簡樸，食時帶有濃香蒜味，滿有橄欖油香，如下少啲橄欖油就更合小弟心水，而意粉口感不俗，或許小弟少見識，配菜心就總喺有少少怪怪嘅感覺。
Linguine Marinara con Vongole Veraci e Vino Bianco o al Pomodoro $188 (Noodles with live clams, Garlic, Olive oil and White Wine or Tomato)
另一道意粉亦好別出心裁，卷形有啲似貝殼嘅卷心意粉，入口有咬口，一樣帶有濃郁蒜香，主角嘅活蜆蜆肉鮮甜，有海水嘅鹹鮮，配菜改用鷹嘴豆，效果唔錯，無乜花巧嘅賣相，賣嘅就喺家庭風味 。
Saltinbocca di Vitello alla romana $228 (Veal Scaloppine served with Ham or Marsala Wine)
牛仔肉或許肉味無咁濃，牛味較淡，但肉質細嫩及脂肪少喺其特點，加上薄切，所以入口牛仔肉頗為軟腍；加入煙肉及白酒去煎煮，多添幾分惹香，而配菜嘅薯仔亦做得好食，內粉外脆，又有薯香 。
店員很專業，服務好到位，而大廚Gianni不時出嚟跟客人或熟客打打招呼，一派慈祥爺爺嘅模樣，好似跟一班返嚟屋企食飯嘅孫仔孫女寒暄問暖咁，有一份親切感 。
題外話/補充資料：
店中無免費開水，意大利礦泉水$60一支。
(以上食評乃用戶個人意見 , 並不代表OpenRice之觀點。)
張貼
