燒味滷師 (成城大廈)

營業中

休息中

今日家中嚟咗朋友，最簡單快捷嘅辦法就係斬料加餸，即刻叫囡囡收工斬料返嚟，請客不可太過單調，所以就嗌咗至尊燒鵝下庄＄120，客家鹽焗雞半隻$30 ，叉燒半斤$40 ，泰式鳳爪配海蜇$42燒鵝外皮脆脆，肉質嫩滑，油香味濃郁，配上酸梅汁減少肥膩，下酒配飯都一流。叉燒，紅噹噹嘅外皮帶有蜜糖嘅甜香味，半肥瘦叉燒食落好滋味唔會太乾柴感覺，實在停不了口。鹽焗雞，食落唔覺得太鹹，肉質好嫩滑，皮也唔胞，價錢還好平，抵食。泰式鳳爪配海蜇，無骨鳳爪酸甜爽口，海蜇爽口彈牙，實在好開胃正。