焰拉麵 (已結業)

入元朗，我點都會黎尼度吃。我是一個唔太愛吃拉面的人，因為吃襯都中伏。但尼間唔同，湯底一流，好似飲緊住家湯感，家既味道。先飲一口湯味道非常清新，仲有淡淡惹味。原來里面有小魚干、櫻花蝦干、小干貝、昆布、清酒等十多種材料調製而成。麵條做得非常出色，煮既時間恰到好處，非常有口感，軟硬度適中，十分彈牙。叉燒雞是用雞髀肉札成。醬油雞湯味道比較清淡，雞脂肪油份相對豚骨少。