住家菜 (已搬遷) 新店位置

上星期小冰生日，我、熊貓、雅兒同佢慶祝，去試『住家菜』。地點：唔方便，係尖東帝國中心。食物：得！樣樣都幾好，冇野好難食。價錢：抵！四個人食四個+ 一個麵+ 一煲湯+ 免費糖水，只係食$380。服務：唔錯。我地帶個Cova Mango Dome去，佢地不單冇收我地切餅費，仲同我地講，如果我地訂位時講話係慶祝生日，佢地仲會送埋壽包添！招牌菜—阿雞：雅兒的comment是：『哇！好食，好食，好好食！』雖然有D誇，但真係幾好食！黃金蝦：匪夷所思地好食！我平時唔鍾意食炸野，因為怕好油膩，但喱個黃金蝦竟然唔算好油，食完隻碟底都冇乜油。南乳齋煲：我地幾個都唔係好鍾意喱碟，不過壽星女指定要叫的，佢話好好食，叫果個話好就得啦！沙鍋魚雲煲：幾好食！金菇肉鬆燴伊麵：唔鹹唔淡，味道好。不過可能食慣『干燒伊麵』，喱個麵比較濕，初初覺得怪怪地，但唔覺唔覺又會食完一碗又一碗。下次帶媽媽同老豆去食下至得！