影片
更多
2012-04-16
1249 瀏覽
約八點去到，都幾滿，不過都有位坐！呢到最多人叫應該係湯啦！檯檯都有一煲／盅我都叫左個是日媽咪靚湯：昆布海草大生地螺片龍骨煲豬蹍（$20一盅，都有一飯碗份量）叫左小菜：欖菜四季豆魚香茄子椒鹽豆腐缽仔飯湯好足料，又甜，亦唔會似一般例湯咁鹹到死！四季豆爽甜，又唔會煮過龍，汁都撈埋！椒鹽豆腐就好一般，炸得唔夠鬆化，同埋個豆腐唔係滑豆腐，而係板豆腐，口感一般；佢伴個汁酸酸地，但唔多夾缽仔飯：個缽好熱！唔知係咪真係一缽缽煮定點，不過賣相好可愛！最驚喜既係魚香茄子：一般餐廳既魚香茄子一定油到飛起！呢間一 D 都唔油！應該係用清蒸代替左走油個步驟，令茄子仲係好多汁飽滿；個獻汁都唔錯，雖然唔覺有鹹魚香味，但都算幾好味既．不過唔知點解，個汁有少少酸酸地既味...
呢到最多人叫應該係湯啦！檯檯都有一煲／盅
我都叫左個是日媽咪靚湯：昆布海草大生地螺片龍骨煲豬蹍（$20一盅，都有一飯碗份量）
叫左小菜：欖菜四季豆
魚香茄子
椒鹽豆腐
缽仔飯
湯好足料，又甜，亦唔會似一般例湯咁鹹到死！四季豆爽甜，又唔會煮過龍，汁都撈埋！
椒鹽豆腐就好一般，炸得唔夠鬆化，同埋個豆腐唔係滑豆腐，而係板豆腐，口感一般；佢伴個汁酸酸地，但唔多夾
缽仔飯：個缽好熱！唔知係咪真係一缽缽煮定點，不過賣相好可愛！
最驚喜既係魚香茄子：一般餐廳既魚香茄子一定油到飛起！呢間一 D 都唔油！應該係用清蒸代替左走油個步驟，令茄子仲係好多汁飽滿；個獻汁都唔錯，雖然唔覺有鹹魚香味，但都算幾好味既．不過唔知點解，個汁有少少酸酸地既味...
題外話/補充資料：
呢家餐廳真係乜食物都唔落味精，非常值得鼓勵！！！
侍應有禮又快手，仲會同客講幾句，好有 "屋企" feel！
(以上食評乃用戶個人意見 , 並不代表OpenRice之觀點。)
張貼
