湯直送 (已結業)

我好喜歡飲中國湯，覺得湯水好能夠調理身體健康， 好可惜之前幾個月冇姐姐用，所以冇煲湯好耐啦，老公對我真好， 特別帶咗我去這間餐廳飲湯。老公幫我點了一個 '花膠燉杏汁鮮奶'，( 因為我自己唔捨得點$128 一份) ，好足份量，有三大塊花膠，其中兩塊有我手掌咁長，有一塊仲長過我個頭，真係好有驚喜，杏汁夠香，花膠好嫩滑，唔會過火，仲落咗薏米，所以好有咬口。老公點了一個'粟米栗子燉雞'，好多料，仲有原粒乾瑤柱， 有三大碗咁多，$55蚊的價錢，自己喺屋企都煲唔到。 用木桶裝都幾有特色。