Four X Four (已搬遷) 新店位置

今次係住香港島嘅我再一次遠征大圍顯徑食呢一間four x four，原因唔差，係因為佢性價比高，而且味道真係非常好！所以要再嚟食，好掛住呀！😝😝😝入到黎就發現佢哋轉左Menu，冇咗上一次食嘅腩肉忌廉汁炒意粉，不過唔緊要，新嘅柚子胡椒醬油忌廉汁雞肉炒意粉聽落都好吸引，所以一於嗌！上枱嘅時候，繼續覺得好吸引哈哈，尤其是上面嘅香蔥粒，真係賠返柚子胡椒醬油嘅係日式style！❤️😆柚子胡椒醬油忌廉汁我真係要讚下，我開頭以為係會好creamy嘅忌廉汁，原來唔係，食落嘅油膩感一啲都唔重，重大有一點點嘅清新！除咗香蔥粒同雞肉，有four x four好正嘅香蒜片，就係因為有佢哋嘅香蒜片，佢哋嘅炒意粉先至咁香咁美味！雞肉應該就係雞脾肉，雖然有皮，但係佢哋煎得好香，所以我都食埋😂😂原本今日諗住試佢哋嘅咖啡，但係因為有乳糖不耐症，呢度又冇得轉Oat/ soy milk，所以都係放棄，飲番上次好好飲嘅西柚冰茶🥰🥰🥰決定咗下次我要試檸檬橄欖油蟹肉炒意粉！聽講係做得好好！下次我又要為左 four x four遠征啦❤️❤️