Pom's Diner (已易手)

之前經過門口見到依間餐廳好似幾特別甘，今次甘岩有野做去開依頭，所以搞掂晒d野之後就同朋友一齊會一會依間餐廳😂餐廳嘅裝修好有歐陸風情，牆壁上有好多得意嘅painting，而枱面係由多種富有民族圖案既瓷磚砌成，好特別好靚！西冷扒上枱已經好吸引，炭火燒得好靚，我地叫左六成熟，食落就岩岩好又唔韌，肉味濃，咬落仲有少少肉汁，令人忍唔住食完一啖又一啖。配菜都做得幾好，焗芝士蘆筍大蘑菇都幾濃郁，而蕃茄沙律菜配酥皮就好fresh。連骨肉眼扒相對地比較淋身，而我地就叫左五成熟。扒冇太多既脂肪，食落啖啖肉，而肉質都好嫩，肉味都濃，配埋個汁味道會更加豐富。龍蝦配松露薯條係本人推介首選👍🏻龍蝦比想像中大，而且肉好飽滿又結實，食落都好有鮮味。店家好細心甘將隻蝦一分為二，仲有個鉗係俾我地方便拆殼，諗到好周到👍🏻👍🏻薯條熱辣辣上枱本身已經好正，炸到好香脆但一啲都唔油膩，脆薯條再配上粒粒黑松露，令到個味道更加濃郁！