Burger Lab

營業中

休息中

今日去朋友屋企附近玩，佢推介我哋去食一間好地道嘅漢堡包店，依間漢堡包店就喺佐敦C出口附近，地點都非常方便。入到去見到佢有好多唔同款式嘅漢堡包，賣相非常吸引。我哋今次就叫咗兩個漢堡包同埋一份小食，仲轉左一個套餐有薯條同埋嘢飲！芝士雞肉漢堡 轉套餐睇圖片見到佢嘅芝士雞肉非常吸引，熱溶咗嘅芝士好邪惡，加埋落雞肉一齊食係非常好嘅配搭🤭漢堡包仲有其他配料例如生菜蕃茄等等，加上漢堡包醬汁，令到成個漢堡包非常Juicy！轉套餐嘅時候可以揀薯條或者番薯薯條，我哋就揀咗薯條，粗薯條嘅口感食落去都非常滿意！鵝肝牛肉漢堡見到有鵝肝和牛肉嘅配搭，就好快決定要鵝肝牛肉漢堡，將鵝肝加埋牛肉一齊食嘅時候個口感非常豐富， 十分滿足！鵝肝嘅質地非常creamy，入口即溶嘅感覺😌牛肉扒嘅肉質都好嫩滑，好有牛肉汁嘅香味！炸洋蔥圈我哋仲另外加咗一個炸洋蔥圈，佢嘅份量都非常多，馬將洋蔥圈讚到非常金黃色，外皮非常香脆可口，洋蔥圈就保留到洋蔥嘅香味😌